Búgin Shymkent qalasynyń «Kórme» ortalyǵynda «Shymkent ónimderi» kórmesi bastaldy. Táýelsizdiktiń 30 jyldyǵyna oraı uıymdastyrylyp otyrǵan bul kórme 17-19 qarasha kúnderi aralyǵynda ótedi. Is-shara - jergilikti taýar óndirýshilerin qoldaý, olardy halyqqa keńinen tanystyrý jáne taýarlardyń ótkizý naryǵyn keńeıtý múmkindikterin qarastyrýdy maqsat tutady.
Kórme ekspozıııasy qurylys ındýstrııasy, mashına jasaý, munaı-hımııa, jeńil ónerkásip, tamaq óndirisi, tekstıl ónerkásibi, farmaevtıka, aýyl sharýashylyǵy ónimderin óńdeý, taǵy basqa salalar boıynsha 100-ge jýyq kásiporyndar ónimderimen usynyldy.
Kórmeniń ashylý rásimine Shymkent qalasynyń ákimi Murat Áıtenov qatysyp, jergilikti kásiporyndar shyǵaratyn ónim túrlerimen tanysty, kásipkerlerge sáttilik tiledi.
Ekonomıkany ártaraptandyrý, óndiriletin taýarlardyń túrlerin kóbeıtip, eksport geografııasy keńeıtý jumystarynyń nátıjesinde Shymkent iri óndiristik ortalyq retinde qalyptasqanyn atap ótti.
«Memleket basshysy Qazaqstan halqyna arnaǵan Joldaýynda 2025 jylǵa qaraı óńdeý ónerkásibiniń eksportyn 1,5 esege kóbeıtip, 24 mıllıard dollarǵa jetkizý, eńbek ónimdiligin 30 paıyzǵa arttyrý jóninde tapsyrma berdi. Qalamyzdyń ónerkásip kólemi jyl sońyna deıin 711 mlrd. teńgeden asady. Ózimizde óndirilgen ónimniń 87 paıyzyn óńdeý ónerkásibi quraıdy. 87 myńnan astam shaǵyn jáne orta kásipkerlik sýbektileriniń jalpy óńirlik ónimdegi úlesi 41,6 paıyzǵa jetti.
Endigi mindet – taýarlarymyzdyń tanymaldylyǵyn arttyrý. Ónimderimizdiń ótkizý naryǵyn qalyptastyrý. Shymkentte shyǵarylǵan ónim dep árqashan maqtanyshpen aıtyp júretin dárejege jetýimiz qajet. Taýar óndirýshilerimizdiń jumystaryna tabystar tileımin!»,-dedi qala ákimi.
Shymkent qalasy otandyq naryqta jekelegen ónimderdiń negizgi jetkizýshisi bolyp tabylady. ement óndirisi, motor maılary, kilem, aıaq kıim, turmystyq buıymdar ónimderi, farmaevtıka, azyq-túlik óndirisi jóninen ishki naryq pen otandyq eksporttyq áleýetti arttyrýda. Jeńil ónerkásip salasyndaǵy kásiporyndar otandyq naryqtyń 21 paıyzyn qamtýda.
Qala ekonomıkasyn ártaraptandyrý, aýylsharýashylyq ónimderin tereń óńdeý kásiporyndarynyń úlesin arttyrý, shaǵyn jáne orta kásipkerlikti damytý boıynsha keshendi jumystar qolǵa alynyp, nátıjesin berýde.
Shymkenttik ónimder kórmesi sanıtarlyq talaptar saqtala otyryp ótkizildi. Oǵan qatysýshylar "Ashyq" júıesi arqyly tirkelip, mártebesi aıqyndaldy.
Shymkent qalasy ákimdiginiń baspasóz qyzmeti
