ءۇشىنشى مەگاپوليسكە COVID-19-عا قارسى امەريكالىق Comirnaty Pfizer ەكپەسىنىڭ 46 800 دانا مولشەرىندەگى العاشقى پارتياسى جەتكىزىلگەن. بۇگىندە قالاداعى ەمحانالار مەن مەكتەپتەردە ورنالاسقان ەگۋ پۋنكتەرىندە جاسوپىرىمدەر مەن جۇكتى جانە ەمىزۋلى انالارعا ەپكە ەگۋ جۇمىستارى ءجۇرىپ جاتىر. قالالىق №13 ەمحانادا ەرىكتى تۇردە ۆاكتسينا الۋعا نيەت بىلدىرگەندەر العاشقى كومپونەنتىن سالدىردى.
ەمحانا باس دارىگەرىنىڭ ورىنباسارى ناتاليا كامالوۆا العاشقى كۇنى I كومپونەنتتى 12 وقۋشىعا سالعانىن مالىمدەدى. ال بۇگىن ەمحاناعا جۇكتى جانە ەمىزۋلى بالاسى بار انالار ەكپە الۋعا كەلگەن.
– بۇگىندە 520 جۇكتى ايەل تىركەلگەن. بىلتىر بالالار مەن جۇكتى ايەلدەردىڭ دە اۋىرعاندار بولدى. بىراق ول كەزدە وكىنىشكە قاراي اۋرۋدىڭ الدىن الاتىن ۆاكتسينا بولمادى. قازىر ءتۇسىندىرۋ جۇمىستارىن جۇرگىزىپ ءجۇرمىز. ەرىكتى تۇردە ۆاكتسينانىڭ ءبىرىنشى كومپونەنتىن سالدىرۋعا كەلگەندەر بار. العاشقى كۇنى 12 مەن 17 جاس اراسىنداعى ون ەكى وقۋشىعا ۆاكتسينا سالىندى. ياعني، ءبىر دوزاسى 6 وقۋشىعا جەتەدى. بارلىق تالاپتار ساقتالعان، - دەيدى ن.الەكسەەۆنا.
قالا تۇرعىنى كارينا رايمقۇلوۆا 5 ايلىق سابيىمەن كەلىپ ۆاكتسينانىڭ العاشقى كومپونەنتىن سالدىردى. 25 جاستاعى انا بۇل قادامعا ءوز ەركىمەن بارعانىن ايتادى.
– قالامىزعا Pfizer ۆاكتسيناسىن كەلگەنىن كۇتتىم. جۇكتى كەزىمنەن باستاپ وسى ەكپەنى الامىن دەگەن وي بولدى. ويتكەنى جولداسىمىز ەكەۋىمىز 4 اي بۇرىن جۇقپالى ىندەتتى جۇقتىرىپ، اۋىرىپ جازىلدىق. ول ەكپە سالدىرعان سوڭ جەڭىل وتكەردى. ماعان قيىن بولدى. جازىلىپ شىققان سوڭ ەكپە سالدىرۋ كەرەگىن ءتۇسىندىم. قازىر دارىگەر باقىلاۋىندامىن. كەرى اسەرى بايقالمايدى. كوڭىل-كۇيىم جاقسى، - دەدى ول.
ايتا كەتەيىك، قالاداعى مەكتەپتەردە ۆاكتسيناتسيالاۋ جۇمىستارىن جۇرگىزۋ ءۇشىن 140 ەگۋ بەكەتى ۇيىمداستىرىلعان. مۇندا پروفيلاكتيكالىق جۇمىستاردى جۇرگىزۋ ءۇشىن بارلىق جاعداي جاسالعان. ەكپە ەگەتىن مەديتسينا ماماندارى ارنايى وقىتۋدان ءوتىپ، بىلىكتىلىگىن ارتتىرعان. ەكپە تۇرعىندارعا قالانىڭ مەديتسينالىق ۇيىمدارىندا، ال جاسوسپىرىمدەرگە ءبىلىم بەرۋ ۇيىمدارىندا اتا-اناسىنىڭ نەمەسە ونىڭ زاڭدى وكىلدەرىنىڭ ەرىكتى كەلىسىمىنەن كەيىن سالىنادى. جۇكتى ايەلدەردى، بالا ەمىزەتىن انالاردى جانە بالالاردى ۆاكتسيناتسيالاۋ اۋماقتىق ەمحانالاردا جۇرگىزىلەتىن بولادى.
ازامات جاپپار
