شىمكەنتتە ءۇش ماگيسترالدى سۋاققىنىڭ قۇرىلىسى اياقتالدى. بۇگىندە اتالعان نىسانداردا قۇبىرلاردى جۋىپ-شايۋ جانە جالپى تەكسەرۋ جۇمىستارى جۇرگىزىلۋدە.
4,48 شاقىرىمدىق، 9,37 جانە 10,61 شاقىرىمدىق ماگيسترالدى سۋاققىلاردىڭ قۇرىلىس جۇمىستارى 2020-2021 جىلدىڭ مامىر، ماۋسىم ايىندا باستالعان. قازىرگى تاڭدا قۇرىلىسى تولىعىمەن اياقتالدى.
قالا تۇرعىندارىن اۋىز سۋمەن قامتاماسىز ەتۋ اكىمدىكتىڭ باستى مىندەتتەرىنىڭ ءبىرى. قالا اكىمى م.ايتەنوۆ ءتيىستى سالا باسشىلارىنا بۇل باعىتتاعى جۇرگىزىلگەن جۇمىستارعا كۇندەلىكتى جۇيەلى تۇردە مونيتورينگ جاساۋدى تاپسىرعان بولاتىن.
اتالعان ماگيسترالدى قۇبىرلاردىڭ تەكسەرۋ جۇمىستارى اياقتالعاندا 100 مىڭنان اسا ادام ساپالى اۋىز سۋعا قول جەتكىزەدى. ناتيجەسىندە اسار-2, دوستىق، سولتۇستىك ساياجاي، ىنتىماق، ىنتىماق-2, باتىس، قىزىلجار، يگىلىك، جاڭاتالاپ، تاۋەلسىزدىككە-20 جىل جانە كوكبۇلاق تۇرعىن الابىنا اۋىز سۋ كەزەڭ-كەزەڭمەن بەرىلە باستايدى.
