شىمكەنت قالاسىنىڭ اكىمى م.ايتەنوۆتىڭ تاۋەلسىزدىكتىڭ 30 جىلدىعىنا وراي بەكىتكەن "30 جىلدىققا-30 جۇلدىزدى كۇن" ءىس-شارالار جوسپارى اياسىندا مادەنيەت، تىلدەردى دامىتۋ جانە ارحيۆتەر باسقارماسىنىڭ تىلدەردى وقىتۋ-ادىستەمەلىك ورتالىعى "مەملەكەتتىك ءتىل-تاۋەلسىزدىك تىرەگى" اتتى ەتنوس وكىلدەرى اراسىندا قالالىق بايقاۋىن ۇيىمداستىرىپ وتكىزدى.
ماقساتى-قازاق ءتىلىنىڭ قولدانۋ اياسىن كەڭەيتۋ، مارتەبەسى مەن مەرەيىن ارتتىرۋ. ءۇش كەزەڭنەن (سالەمدەسۋ، ونەرتانىم، ماقال-ءسوزدىڭ مايەگى) تۇراتىن بايقاۋدا باس-اياعى 11 قاتىسۋشى باقتارىن سىنادى. ناتيجەسىندە باس جۇلدە 35748 اسكەري ءبولىمىنىڭ قىزمەتكەرى ۋچكۋن تۋرسۋنكۋلوۆقا بۇيىردى. جۇلدەلى I ورىننان 6698 اسكەري ءبولىمىنىڭ قىزمەتكەرى نۋراددين مۇستافاەۆ كورىنسە، II ورىن ا.ماكارەنكو اتىنداعى ءنومىرى 41 مەكتەپتىڭ ۇستازى ديانا رافايلوۆناعا بۇيىردى. III ورىنعا م.دۋلاتي اتىنداعى ءنومىرى 8 مەكتەپتىڭ وقىتۋشىسى وكسانا پروحورەنكو لايىق دەپ تانىلدى. ورىن الماعان باسقا قاتىسۋشىلارعا العىس حاتتار مەن ىنتالاندىرۋ سىيلىقتارى بەرىلدى.
ايتا كەتۋ كەرەك، اتالعان بايقاۋعا بەلگىلى كاسىپكەر، بالل تەكستيل كىلەم زاۋىتىنىڭ باسشىسى تالگات يسحاحوۆ، قالالىق ءماسليحاتتىڭ دەپۋتاتى لازيز سۋلايمانوۆ قولداۋ كورسەتتى.
تىلدەردى وقىتۋ-ادىستەمەلىك ورتالىعى
