Şymkent qalasynyŋ äkımı M.Äitenovtıŋ Täuelsızdıktıŋ 30 jyldyǧyna orai bekıtken "30 jyldyqqa-30 jūldyzdy kün" ıs-şaralar jospary aiasynda Mädeniet, tılderdı damytu jäne arhivter basqarmasynyŋ Tılderdı Oqytu-Ädıstemelık Ortalyǧy "Memlekettık tıl-täuelsızdık tıregı" atty etnos ökılderı arasynda qalalyq baiqauyn ūiymdastyryp ötkızdı.
Aita ketu kerek, atalǧan baiqauǧa belgılı käsıpker, Ball tekstil kılem zauytynyŋ basşysy Talgat İshahov, qalalyq mäslihattyŋ deputaty Laziz Sulaimanov qoldau körsettı.Maqsaty-qazaq tılınıŋ qoldanu aiasyn keŋeitu, märtebesı men mereiın arttyru. Üş kezeŋnen (Sälemdesu, Önertanym, Maqal-sözdıŋ mäiegı) tūratyn baiqauda bas-aiaǧy 11 qatysuşy baqtaryn synady. Nätijesınde bas jülde 35748 äskeri bölımınıŋ qyzmetkerı Uchkun Tursunkulovqa būiyrdy. Jüldelı I orynnan 6698 äskeri bölımınıŋ qyzmetkerı Nuraddin Mūstafaev körınse, II oryn A.Makarenko atyndaǧy nömırı 41 mekteptıŋ ūstazy Diana Rafailovnaǧa būiyrdy. III orynǧa M.Dulati atyndaǧy nömırı 8 mekteptıŋ oqytuşysy Oksana Prohorenko laiyq dep tanyldy. Oryn almaǧan basqa qatysuşylarǧa alǧys hattar men yntalandyru syilyqtary berıldı.
Tılderdı Oqytu-Ädıstemelık Ortalyǧy
