Shymkent qalasynyń ákimi M.Áıtenovtiń Táýelsizdiktiń 30 jyldyǵyna oraı bekitken "30 jyldyqqa-30 juldyzdy kún" is-sharalar jospary aıasynda Mádenıet, tilderdi damytý jáne arhıvter basqarmasynyń Tilderdi Oqytý-Ádistemelik Ortalyǵy "Memlekettik til-táýelsizdik tiregi" atty etnos ókilderi arasynda qalalyq baıqaýyn uıymdastyryp ótkizdi.
Maqsaty-qazaq tiliniń qoldaný aıasyn keńeıtý, mártebesi men mereıin arttyrý. Úsh kezeńnen (Sálemdesý, Ónertanym, Maqal-sózdiń máıegi) turatyn baıqaýda bas-aıaǵy 11 qatysýshy baqtaryn synady. Nátıjesinde bas júlde 35748 áskerı bóliminiń qyzmetkeri Ýchkýn Týrsýnkýlovqa buıyrdy. Júldeli I orynnan 6698 áskerı bóliminiń qyzmetkeri Nýraddın Mustafaev kórinse, II oryn A.Makarenko atyndaǵy nómiri 41 mekteptiń ustazy Dıana Rafaılovnaǵa buıyrdy. III orynǵa M.Dýlatı atyndaǵy nómiri 8 mekteptiń oqytýshysy Oksana Prohorenko laıyq dep tanyldy. Oryn almaǵan basqa qatysýshylarǵa alǵys hattar men yntalandyrý syılyqtary berildi.
Aıta ketý kerek, atalǵan baıqaýǵa belgili kásipker, Ball tekstıl kilem zaýytynyń basshysy Talgat Ishahov, qalalyq máslıhattyń depýtaty Lazız Sýlaımanov qoldaý kórsetti.
Tilderdi Oqytý-Ádistemelik Ortalyǵy
