شىمكەنت: جاڭا وقۋ جىلىندا مەكتەپ اسحانالارى جۇمىس ىستەيدى

شاھاردىڭ باس ۇستازى جانات ارىسبەكقىزىنىڭ ايتۋىنشا، قالاداعى ءبىلىم وشاقتارى جاڭا وقۋ جىلىنا دايىن. بۇگىنگى تاڭدا وقۋلىقتار جەتكىزىلىپ، وقۋشىلاردىڭ قاۋىپسىزدىگىن قامتاماسىز ەتۋ ماقساتىندا تۋرنيكەتتەر مەن بەينەباقىلاۋ كامەرالارى ورناتىلعان.

– 2021-2022 جاڭا وقۋ جىلى ءبىلىم بەرۋ ۇيىمدارى 17-گە ارتتى. 785 ءبىلىم مەكەمەسىندەگى 350 مىڭعا جۋىق ءبىلىم الۋشىلارمەن (+8 000 بالا) باستالعالى وتىر. 1-سىنىپقا 25 000 بالانى قابىلداۋ جوسپارلانسا، بۇگىنگى تاڭدا قابىلدانعانى – 25 005 بالانى قۇراپ (قازاق تىلىندە – 18 755, ورىس تىلىندە – 4 125, وزبەك تىلىندە – 2 125) 100% ورىندالدى. ءبىلىم قورى ارقىلى 57 466 بالاعا 30 000 تەڭگە كولەمىندە ءبىر رەتتىك قارجىلاي كومەك بەرىلدى. ءبىلىم ۇيىمدارىندا كۇندەلىكتى تەرمومەتريا، كۆارتستاۋ، جەلدەتۋ، دەزينفەكتسيا جانە ماسكا رەجيمى ساقتالادى. اتا-انا بالاسىنا تەك ماسكا الىپ بەرىپ وتىرسا جەتكىلىكتى. قالعان سانيتارلىق-ەپيدەميولوگيالىق شارالارعا ارنايى قارجى قارالعان، - دەدى باسقارما باسشىسى.

ال الدارقۇل احمەتوۆ ۇستازدار قاۋىمى مەن وقۋشىلارعا ءبىلىم بەرەتىن مەكەمەلەردە سانيتارلىق تالاپتاردى قاتاڭ ساقتاۋدى شاقىردى. ونىڭ ىشىندە، قارسى كورسەتىلىمى بار جانە كۆي-مەن سوڭعى ءۇش ايدا اۋىرعان پەداگوگتەر مەن ءبىلىم بەرۋ ۇيىمدارىنىڭ قىزمەتكەرلەرى تولىقتاي ۆاكتسيناتسيالانۋى قاجەت ەكەنىن ايتتى.

– ءبىلىم بەرۋ ۇيىمدارىندانىڭ قارسى كورسەتىلىمى بار ازاماتتارىنا پتر تەستى مىندەتتەلمەيدى. اسحانالار سانيتارلىق تالاپتاردى ساقتاۋى ءتيىس. ەگەر كىرۋ ەسىكتەرى سىرتتا بولعان جاعدايدا «ASHYQ» جۇيەسىنە قوسىلادى. ولارعا دا qr-كود قويۋ كەرەك بولادى، - دەدى سپيكەر.

ايتا كەتەيىك، جاڭا وقۋ جىلى قالادا 1-قىركۇيەكتەن باستاپ ءداستۇرلى فورماتتا باستاۋ جوسپارلانۋدا. مەكتەپ فورماسىنا قويىلاتىن تالاپتار ساقتالادى، بۇل رەتتە مەكتەپكە كلاسسيكالىق ستيلدەگى ىڭعايلى كيىممەن كەلۋگە دە رۇقسات ەتىلەدى.