Shymkenttegi bilim mekemeleriniń ashanalary araǵa bir jarym jyl salyp qaıta jumysyn bastaıdy. Bul týraly aqparattyq-kommýnıkaııalyq ortalyǵynda ótken baspasóz jıynynda belgili boldy. Qalalyq bilim basqarmasynyń basshysy J.Tájıeva men sanıtarııalyq-epıdemıologııalyq baqylaý departamenti basshysynyń orynbasary A. Ahmetov jańa oqý jylyna daıyndyq barysyn baıandady.
Shahardyń bas ustazy Janat Arysbekqyzynyń aıtýynsha, qaladaǵy bilim oshaqtary jańa oqý jylyna daıyn. Búgingi tańda oqýlyqtar jetkizilip, oqýshylardyń qaýipsizdigin qamtamasyz etý maqsatynda týrnıketter men beınebaqylaý kameralary ornatylǵan.
– 2021-2022 jańa oqý jyly bilim berý uıymdary 17-ge artty. 785 bilim mekemesindegi 350 myńǵa jýyq bilim alýshylarmen (+8 000 bala) bastalǵaly otyr. 1-synypqa 25 000 balany qabyldaý josparlansa, búgingi tańda qabyldanǵany – 25 005 balany qurap (qazaq tilinde – 18 755, orys tilinde – 4 125, ózbek tilinde – 2 125) 100% oryndaldy. Bilim qory arqyly 57 466 balaǵa 30 000 teńge kóleminde bir rettik qarjylaı kómek berildi. Bilim uıymdarynda kúndelikti termometrııa, kvartaý, jeldetý, dezınfekııa jáne maska rejımi saqtalady. Ata-ana balasyna tek maska alyp berip otyrsa jetkilikti. Qalǵan sanıtarlyq-epıdemıologııalyq sharalarǵa arnaıy qarjy qaralǵan, - dedi basqarma basshysy.
Al Aldarqul Ahmetov ustazdar qaýymy men oqýshylarǵa bilim beretin mekemelerde sanıtarlyq talaptardy qatań saqtaýdy shaqyrdy. Onyń ishinde, qarsy kórsetilimi bar jáne KVI-men sońǵy úsh aıda aýyrǵan pedagogter men bilim berý uıymdarynyń qyzmetkerleri tolyqtaı vakınaııalanýy qajet ekenin aıtty.
– Bilim berý uıymdaryndanyń qarsy kórsetilimi bar azamattaryna PTR testi mindettelmeıdi. Ashanalar sanıtarlyq talaptardy saqtaýy tıis. Eger kirý esikteri syrtta bolǵan jaǵdaıda «ASHYQ» júıesine qosylady. Olarǵa da qr-kod qoıý kerek bolady, - dedi spıker.
Aıta keteıik, jańa oqý jyly qalada 1-qyrkúıekten bastap dástúrli formatta bastaý josparlanýda. Mektep formasyna qoıylatyn talaptar saqtalady, bul rette mektepke klassıkalyq stıldegi yńǵaıly kıimmen kelýge de ruqsat etiledi.
