شىمكەنت قالاسىنىڭ شارۋالارى جىل باسىنان بەرى قۇنى 73,6 ملن اقش دوللارى بولاتىن اۋىل شارۋاشىلىق ونىمدەرىن الەمنىڭ 11 ەلىنە ەكسپورتتاعان.
بۇل وتكەن جىلدىڭ ءتيىستى كەزەڭىمەن سالىستىرعاندا اۋىل شارۋاشىلىعى ەكسپورتىنىڭ ارتقانىن كورسەتىپ وتىر، دەپ حابارلايدى قازاقپارات ءتىلشىسى. قالالىق اۋىل شارۋاشىلىعى جانە ۆەتەريناريا باسقارماسى ماماندارىنىڭ مالىمەتىنشە، وتكەن جىلى 65,5 ملن اقش دوللارىن قۇرايتىن اۋىل شارۋاشىلىعى ونىمدەرى شەتەل نارىعىنا شىعارىلعان. شىمكەنتتەن شىققان ونىمدەر وزبەكستان، تاجىكستان، ازەربايجان، تۇرىكمەنستان، اۋعانىستان، قىرعىزستان، ۋكراينا، موڭعوليا، يران، بىرىككەن اراب امىرلىكتەرى جانە قىتايعا جونەلتىلگەن. اتاپ ايتقاندا، 72,3 توننا – ءىرى قارا ەتى، 12,7 توننا – قوي ەتى، 10,1 توننا – بال، 19,5 توننا – وڭدەلگەن بالىق سىرتقى نارىققا شىعارىلعان. سونداي-اق، كارتوپتىڭ – 25,2 مىڭ، پيازدىڭ – 45,3, قىرىققاباتتىڭ – 20, كوكونىستىڭ – 558, جەمىس-جيدەكتىڭ – 406,5 تونناسى جوعارىدا اتالعان ەلدەرگە ساتىلدى. بۇعان قوسا، 78,2 مىڭ توننا – بيداي، 4,5 مىڭ توننا – ارپا، 390 توننا – ءداندى داقىلدار، 6,1 مىڭ توننا –مايلى داقىلدار، 110,6 مىڭ توننا – ۇن، 19,2 مىڭ توننا – وسىمدىك مايى، 986,1 توننا – ماكارون ونىمدەرى جانە 74,5 توننا نان-كونديتەر ونىمدەرى ەكسپورتتالعان. ايتا كەتەيىك، شىم شاھاردا العاشقى جارتىجىلدىقتاعى اۋىل شارۋاشىلىعى ءونىمىنىڭ جالپى كولەمى 14.7 ملرد تەڭگەنى قۇراعان بولاتىن. بۇل وتكەن جىلدىڭ ءتيىستى كەزەڭىمەن سالىستىرعاندا 3,7 پايىزعا جوعارىلاعانىن كورسەتەدى. اۋىل شارۋاشىعى ءونىمى كولەمىنىڭ ءوسۋ قارقىنى بويىنشا ءۇشىنشى مەگاپوليس رەسپۋبليكا بويىنشا ءبىرىنشى ورىندا تۇر.
