Shymkent qalasynyń sharýalary jyl basynan beri quny 73,6 mln AQSh dollary bolatyn aýyl sharýashylyq ónimderin álemniń 11 eline eksporttaǵan.
Bul ótken jyldyń tıisti kezeńimen salystyrǵanda aýyl sharýashylyǵy eksportynyń artqanyn kórsetip otyr, dep habarlaıdy QazAqparat tilshisi. Qalalyq aýyl sharýashylyǵy jáne veterınarııa basqarmasy mamandarynyń málimetinshe, ótken jyly 65,5 mln AQSh dollaryn quraıtyn aýyl sharýashylyǵy ónimderi shetel naryǵyna shyǵarylǵan. Shymkentten shyqqan ónimder Ózbekstan, Tájikstan, Ázerbaıjan, Túrikmenstan, Aýǵanystan, Qyrǵyzstan, Ýkraına, Mońǵolııa, Iran, Birikken Arab Ámirlikteri jáne Qytaıǵa jóneltilgen. Atap aıtqanda, 72,3 tonna – iri qara eti, 12,7 tonna – qoı eti, 10,1 tonna – bal, 19,5 tonna – óńdelgen balyq syrtqy naryqqa shyǵarylǵan. Sondaı-aq, kartoptyń – 25,2 myń, pııazdyń – 45,3, qyryqqabattyń – 20, kókónistiń – 558, jemis-jıdektiń – 406,5 tonnasy joǵaryda atalǵan elderge satyldy. Buǵan qosa, 78,2 myń tonna – bıdaı, 4,5 myń tonna – arpa, 390 tonna – dándi daqyldar, 6,1 myń tonna –maıly daqyldar, 110,6 myń tonna – un, 19,2 myń tonna – ósimdik maıy, 986,1 tonna – makaron ónimderi jáne 74,5 tonna nan-kondıter ónimderi eksporttalǵan. Aıta keteıik, shym shaharda alǵashqy jartyjyldyqtaǵy aýyl sharýashylyǵy óniminiń jalpy kólemi 14.7 mlrd teńgeni quraǵan bolatyn. Bul ótken jyldyń tıisti kezeńimen salystyrǵanda 3,7 paıyzǵa joǵarylaǵanyn kórsetedi. Aýyl sharýashyǵy ónimi kóleminiń ósý qarqyny boıynsha úshinshi megapolıs respýblıka boıynsha birinshi orynda tur.
