شىمكەنتتە العاش رەت وڭەشتىڭ قاتەرلى ىسىگىنە تىلىكسىز وتا جاسالدى

1264
Adyrna.kz Telegram

شىمكەنتتەگى ونكولوگيالىق ورتالىق بازاسىندا اقتاۋلىق اق حالاتتى شەبەرلىك ساباعىن وتكىزدى. ماستەر كلاسس اياسىندا 7 ادامعا كۇردەلى وپەراتسيا جاسالىندى. ياعني، قالقانشا بەزىنىڭ، بۇيرەك-اسقازان ىسىكتەرنىڭ جانە وڭەشتىڭ قاتىرەلى ىسىگى بويىنشا سىرقاتتاناتىن ناۋقاستاردى ەمدەۋ بارىسىندا تاجىريبەسىمەن ءبولىستى. سونداي-اق مەگاپوليستە بۇل وتا تۇرىندە العاش رەت ەندوسكوپيالىق ءادىس قولدانىلىپ وتىر دەيدى دارىگەرلەر.

شىمكەنتتە العاش رەت وڭەشتىڭ قاتەرلى ىسىگىنە تىلىكسىز وتا جاسالدى. اقتاۋ قالاسىنان كەلگەن دارىگەر مەگاپوليستەگى 3 كۇندىك شەبەرلىك ساباعىندا 7 وتا جاساپتى.

سوزىنشە ول بۇل ءتاسىل ارقىلى ناۋقاستاردى 2019 جىلدان بەرى ەمدەپ كەلەدى. بۇعان دەيىن بىرنەشە قالادا تاجىريبەسىمەن بولىسكەن حيرۋرگ تىلىكسىز وتانىڭ اشىق وپەراتسيادان ايىرماشىلىعى تۋرالى ايتىپ بەردى.

مۇحاممەدجان نۇرعازيەۆ،حيرۋرگ-ونكولوگ:
«بۇل ءادىستىڭ ايىرماشىلىعى ۇلكەن تىلىكتەر جاسالمايدى. تەك كىشكەنتاي تىلىكتەر ارقىلى جاسالىناتىن وتا. دەمەك جاڭاعى مويىندا تىلىك جاسالمايدى. قولتىقتىڭ استىمەن كىشكەنتاي عانا تەسىكتەر ارقىلى ەندوسكوپيالىق اپپاراتتاردىڭ كومەگىمەن جاسالىپ وتىر. وپەراتسيادان كەيىنگى جاعدايلارى جاقسى. ۇلكەن وتا بولعان سوڭ 2 كۇن جان ساقتاۋ بولىمشەسىندە بولدى. بۇگىن ۋجە ولار پالاتاعا اۋىستىرىلدى».

25 جاستاعى ناديرا ساديكراموۆا بۇعان دەيىن بۇل وتا ءتاسىلى تۋرالى ءبىراز ىزدەنگەن كورىنەدى. شىمكەنتتە العاش رەت جاسالادى دەگەندى ەستىگەن ول بىردەن كەلىسىم بەرگەن. سەبەبى، اشىق وتا كۇردەلى، ءارى وپەراتسيادان جازىلۋ قيىنعا سوعاتىندىقتان قورىقتىم دەيدى. وڭەشتىڭ قاتەرلى ىسىگىمەن 4 جىلدان بەرى كۇرەسىپ كەلگەن كەلىنشەكتىڭ قازىرگى جاعدايى جاقسى. ءارى دارىگەرلەرگە ەرەكشە العاسىن جەتكىزدى.

ناديرا ساديكراموۆا، ناۋقاس:
«بىزدە شىمكەنتتە ءبىرىنشى رەت جاسالىپ جاتقانىن ەستىپ  وسى جاققا كەلدىك. بۇعان دەيىن اشىق وتادان قورىقتىم.  تىرتىق قالىپ قويادى دەپ قورىقتىم. قازىر جاعدايىم جاقسى. دارىگەرلەرگە العىسىمدى بىلدىرەمىن».

ايتا كەتەيىك، ەندى شىمكەنتتىك دارىگەرلەر دە وڭەشتىڭ قاتەرلى ىسىگىنە ەندوسكوپيالىق ادىسپەن وتا جاسايمىز دەپ وتىر. قازىرگى تاڭدا ورتالىقتا قاجەتتى بارلىق جاڭا قۇرىلعىلار جەتكىلىكتى ەكەن.

پىكىرلەر