Shymkenttegi onkologııalyq ortalyq bazasynda aqtaýlyq aq halatty sheberlik sabaǵyn ótkizdi. Master klass aıasynda 7 adamǵa kúrdeli operaııa jasalyndy. Iaǵnı, qalqansha beziniń, búırek-asqazan isikterniń jáne óńeshtiń qatireli isigi boıynsha syrqattanatyn naýqastardy emdeý barysynda tájirıbesimen bólisti. Sondaı-aq megapolıste bul ota túrinde alǵash ret endoskopııalyq ádis qoldanylyp otyr deıdi dárigerler.
Shymkentte alǵash ret óńeshtiń qaterli isigine tiliksiz ota jasaldy. Aqtaý qalasynan kelgen dáriger megapolıstegi 3 kúndik sheberlik sabaǵynda 7 ota jasapty.
Sózinshe ol bul tásil arqyly naýqastardy 2019 jyldan beri emdep keledi. Buǵan deıin birneshe qalada tájirıbesimen bólisken hırýrg tiliksiz otanyń ashyq operaııadan aıyrmashylyǵy týraly aıtyp berdi.
Muhammedjan Nurǵazıev,hırýrg-onkolog:
«Bul ádistiń aıyrmashylyǵy úlken tilikter jasalmaıdy. Tek kishkentaı tilikter arqyly jasalynatyn ota. Demek jańaǵy moıynda tilik jasalmaıdy. Qoltyqtyń astymen kishkentaı ǵana tesikter arqyly endoskopııalyq apparattardyń kómegimen jasalyp otyr. Operaııadan keıingi jaǵdaılary jaqsy. Úlken ota bolǵan soń 2 kún jan saqtaý bólimshesinde boldy. Búgin ýje olar palataǵa aýystyryldy».
25 jastaǵy Nadıra Sadıkramova buǵan deıin bul ota tásili týraly biraz izdengen kórinedi. Shymkentte alǵash ret jasalady degendi estigen ol birden kelisim bergen. Sebebi, ashyq ota kúrdeli, ári operaııadan jazylý qıynǵa soǵatyndyqtan qoryqtym deıdi. Óńeshtiń qaterli isigimen 4 jyldan beri kúresip kelgen kelinshektiń qazirgi jaǵdaıy jaqsy. Ári dárigerlerge erekshe alǵasyn jetkizdi.
Nadıra Sadıkramova, naýqas:
«Bizde Shymkentte birinshi ret jasalyp jatqanyn estip osy jaqqa keldik. Buǵan deıin ashyq otadan qoryqtym. Tyrtyq qalyp qoıady dep qoryqtym. Qazir jaǵdaıym jaqsy. Dárigerlerge alǵysymdy bildiremin».
Aıta keteıik, endi shymkenttik dárigerler de óńeshtiń qaterli isigine endoskopııalyq ádispen ota jasaımyz dep otyr. Qazirgi tańda ortalyqta qajetti barlyq jańa qurylǵylar jetkilikti eken.
