بۇگىن، 9 قاڭتاردا اقوردا رەزيدەنتسياسىندا اقش ەلشىسى دجۋلي ستاففت پەن بولگاريا ەلشىسى گەورگي ۆودەنسكيدىڭ قازاقستان پرەزيدەنتىنە سەنىم گراموتالارىن تاپسىرۋ ءراسىمى ءوتتى. رەسمي اقپاراتتى اقوردانىڭ ءباسپاسوز قىزمەتى جاريالادى، دەپ حابارلايدى "ادىرنا".
مەملەكەت باسشىسى بولگاريا ەلشىسى ارقىلى پرەزيدەنت رۋمەن رادەۆكە سالەمىن جولداپ، ونىڭ بىلتىر ەلىمىزگە جاساعان رەسمي ساپارى ەكىجاقتى قارىم-قاتىناسقا ايتارلىقتاي تىڭ سەرپىن بەرگەنىن ايتتى.
ء"سىزدىڭ ەلىڭىزبەن ىنتىماقتاستىقتى ودان ءارى نىعايتۋعا مۇددەلىمىز. ساياسي، سونداي-اق ەكونوميكالىق باعىتتاعى ىقپالداستىق اياسىن كەڭەيتۋ ءۇشىن قولدان كەلگەن مۇمكىندىكتىڭ ءبارىن جاسايمىز", – دەدى قازاقستان پرەزيدەنتى.
قاسىم-جومارت توقاەۆ دجۋلي ستاففتپەن اڭگىمەلەسۋ بارىسىندا اقش-قا جاساعان ساپارى تابىستى وتكەنىن ىقىلاسپەن ەسكە الدى.
قاسىم-جومارت توقاەۆ ەلشىلەردى ديپلوماتيالىق ميسسيالارىنىڭ رەسمي تۇردە باستالۋىمەن قۇتتىقتاپ، ولاردىڭ مەملەكەتتەرى باسشىلارىنا ىزگى تىلەگىن جولدادى.
اقش ەلشىسى دجۋلي ستاففت كەشە قازاقستان سىرتقى ىستەر ءمينيسترىنىڭ ءبىرىنشى ورىنباسارى ەرجان اشىقباەۆتىڭ قابىلداۋىندا بولىپ، سەنىم گراموتاسىنىڭ كوشىرمەسىن تابىس ەتكەن بولاتىن.
ۇقساس جاڭالىقتار
