شىنايى تاربيە بەلگىلى ءبىر ەرەجەلەردەن ەمەس، جاتتىعۋلاردان قۇرالادى. شىمكەنت قالاسىنداعى №2 مامانداندىرىلعان مەكتەپ-ينتەرناتىنىڭ فيزيكا جانە استرونوميا ءپانىنىڭ مۇعالىمى قاليدا قايماكباەۆا 15 جىلدان بەرى وسى ۇستانىممەن شاكىرتتەرىن تاربيەلەپ كەلەدى. قازىرگى جاڭارتىلعان ءبىلىم مازمۇنىندا دا وقۋشىعا ءبىلىم بەرۋدە ستاندارتتان تىس، لوگيكالىق جاتتىعۋلار كوپ كەزدەسەدى. دەمەك ۇستازدار ۇيرەتۋ بارىسىندا ەرەكشە تاسىلدەرمەن بالانى بىلىمگە باۋلىسا – زامان كوشىمەن قاتار جۇرگەنى.
قالاداعى №2 مامانداندىرىلعان مەكتەپ-ينتەرناتىنىڭ نەگىزگى باعىتتارىنىڭ ءبىرى – وقۋشىلارعا عارىشتىق ءبىلىم بەرۋ. ءبىلىم مەكەمەسى عالامدىق ويلاۋدى دامىتۋ جانە وقۋشىلاردىڭ ساناسىنا ادام مەن عارىشتىڭ بىرلىگى تۋرالى يدەيانى قالىپتاستىرۋدى ماقسات تۇتادى.
اسپاننىڭ ءبىز بىلمەيتىن قىر-سىرىنا باۋلىپ كەلگەن قاليما نەگىزبايقىزى شاكىرتتەرىن حالىقارالىق، رەسپۋبليكالىق عارىشتىق فيزيكا مەن استرونوميادان، استروفيزيكا، عارىشتىق روبوتوتەحنيكا بويىنشا ءتۇرلى وليمپيادالار مەن عىلىمي جارىستارعا باۋلىپ جۇرگەن جاڭاشىل ۇستازدىڭ ءبىرى.
قايماقباەۆانىڭ وقۋشىلارى ۇنەمى اسپاندى زەرتتەپ، اسپانعا قاراپ، جۇلدىزداردىڭ ورنالاسۋىن، عارىشتى زەرتتەپ ءجۇرىپ، بولاشاعىن سول دەپ ءبىلدى. قازىر ۇستازدىڭ شاكىرتتەرى ەلىمىزدەگى اۆياتسيا اكادەمياسىندا ءبىلىم الىپ، ماماندىقتارىن وسى سالامەن ۇشتاستىرۋدا.
شەبەر – پەداگوگ، فيزيكا عىلىمىنىڭ ماگيسترى. شىمكەنت فيزيكتەر قاۋىمداستىعىنىڭ مۇشەسى بولعان قاليما نەگىزبايقىزىنىڭ ەڭبەگى ەلەنىپ، 2020 جىلى «تاۋەلسىز قازاقستاننىڭ ۇزدىك ۇستازدارى» جانە «قازاقستاننىڭ ۇزدىك ۇستازى» ءتوس بەلگىسىمەن ماراپاتتالعان.
ۇستازدىڭ «اقپاراتتىق تەحنولوگيالاردى جۇيەلەپ فيزيكانى وقىتۋ ادىستەمەسى»، «7, 8 – سىنىپتاردا فيزيكا ساباعىن اعىلشىن تىلىندە جوسپارلاۋ»، «مەكتەپ كۋرسىنا ارنالعان استرونوميالىق ەسەپتەر شىعارۋ جيناعى»، «استرونوميالىق فيزيكا ءپانىنىڭ وقۋ باعدارلاماسى» اتتى ەڭبەكتەرى ەلىمىزدە ادىستەمەلىك قۇرال رەتىندە قولدانىلىپ كەلەدى.
ساباق بارىسىندا وقۋشىلاردى تەك عىلىمعا باۋلىپ قانا قويماي، رۋحني قۇندىلىقتارعا باۋلىپ، قايدا جۇرسە دە تۋعان جەرگە قىزمەت ەتەتىن تۇلعا رەتىندە قالىپتاسۋ جولىنا دا تاربەلەيدى.
شىمكەنت قالاسى اكىمدىگىنىڭ ءباسپاسوز قىزمەتى
