Shynaıy tárbıe belgili bir erejelerden emes, jattyǵýlardan quralady. Shymkent qalasyndaǵy №2 mamandandyrylǵan mektep-ınternatynyń fızıka jáne astronomııa pániniń muǵalimi Qalıda Qaımakbaeva 15 jyldan beri osy ustanymmen shákirtterin tárbıelep keledi. Qazirgi jańartylǵan bilim mazmunynda da oqýshyǵa bilim berýde standarttan tys, logıkalyq jattyǵýlar kóp kezdesedi. Demek ustazdar úıretý barysynda erekshe tásildermen balany bilimge baýlysa – zaman kóshimen qatar júrgeni.
Qaladaǵy №2 mamandandyrylǵan mektep-ınternatynyń negizgi baǵyttarynyń biri – oqýshylarǵa ǵaryshtyq bilim berý. Bilim mekemesi ǵalamdyq oılaýdy damytý jáne oqýshylardyń sanasyna adam men ǵaryshtyń birligi týraly ıdeıany qalyptastyrýdy maqsat tutady.
Aspannyń biz bilmeıtin qyr-syryna baýlyp kelgen Qalıma Negizbaıqyzy shákirtterin Halyqaralyq, Respýblıkalyq ǵaryshtyq fızıka men astronomııadan, astrofızıka, ǵaryshtyq robototehnıka boıynsha túrli olımpıadalar men ǵylymı jarystarǵa baýlyp júrgen jańashyl ustazdyń biri.
Qaımaqbaevanyń oqýshylary únemi aspandy zerttep, aspanǵa qarap, juldyzdardyń ornalasýyn, ǵaryshty zerttep júrip, bolashaǵyn sol dep bildi. Qazir ustazdyń shákirtteri elimizdegi avıaııa akademııasynda bilim alyp, mamandyqtaryn osy salamen ushtastyrýda.
Sheber – pedagog, fızıka ǵylymynyń magıstri. Shymkent fızıkter qaýymdastyǵynyń múshesi bolǵan Qalıma Negizbaıqyzynyń eńbegi elenip, 2020 jyly «Táýelsiz Qazaqstannyń úzdik ustazdary» jáne «Qazaqstannyń úzdik ustazy» tós belgisimen marapattalǵan.
Ustazdyń «Aqparattyq tehnologııalardy júıelep fızıkany oqytý ádistemesi», «7, 8 – synyptarda fızıka sabaǵyn aǵylshyn tilinde josparlaý», «Mektep kýrsyna arnalǵan astronomııalyq esepter shyǵarý jınaǵy», «Astronomııalyq fızıka pániniń oqý baǵdarlamasy» atty eńbekteri elimizde ádistemelik qural retinde qoldanylyp keledi.
Sabaq barysynda oqýshylardy tek ǵylymǵa baýlyp qana qoımaı, rýhnı qundylyqtarǵa baýlyp, qaıda júrse de týǵan jerge qyzmet etetin tulǵa retinde qalyptasý jolyna da tárbeleıdi.
Shymkent qalasy ákimdiginiń baspasóz qyzmeti
