«تاۋەلسىزدىك جىلدارىنىڭ قۇرمەتتى ازاماتتارى» كورمەسى ءوتتى

1436
Adyrna.kz Telegram

شىمكەنت قالاسىندا ەل تاۋەلسىزدىگىنىڭ 30 جىلدىعىنا وراي «تاۋەلسىزدىك جىلدارداعى قۇرمەتتى ازاماتتارى» اتتى كورمە ۇيىمداستىرىلدى.

«قۇرمەتتى ازاماتتار» گۇلزارىندا ارنايى كورمە جاساقتالىپ، قالامىزدىڭ دامۋىنا ءوز ۇلەستەرىن قوسقان، «شىمكەنت قالاسىنىڭ قۇرمەتتى ازاماتى» اتاعىن العان 139 ازاماتتىڭ 1991-2021 جىلدار ارالىعىنداعى ەڭبەكتەرى، جوبالارى، سۋرەتتەرى، كىتاپتارى مەن قۇجاتتارى قويىلعان.

جيىننىڭ قۇرمەتتى قوناعى بولعان ارحيتەكتور اسقار ازىمباەۆ قالانىڭ گۇلدەنۋ جولىنداعى جاساعان جوبالارى جونىندە بايانداسا، قر حالىق ءارتىسى ساپارباي وتەمىسۇلى ەگەمەندىكتەن كەيىنگى شىمكەنت قالاسىندا تەاتر ونەرىنىڭ ورلەگەنىن تىلگە تيەك ەتىپ، اباي ولەڭدەرىنەن ۇزىندەلەر وقىدى. سونىمەن بىرگە، ءادىلحان سۇلتانبەكوۆ، ساعىنعالي ابۋباكيروۆ، يكرام حاكيمجانوۆ، ، جازۋشى سەرىك ءجانابىلوۆ جانە تاتيانا رومانوۆالار ءوزىنىڭ ەڭبەك جولدارى تۋرالى ايتتى.

بۇگىندە قالالىق ارحيۆ مەكەمەسى «ارحيۆ-2025» كەشەندىك جوسپارى بويىنشا تاۋەلسىزدىك جىلدارى قالاعا ەلەۋلى ۇلەسىن قوسقان ازاماتتار تۋرالى مالىمەتتەر جيناعىن جارىققا شىعارۋدى جوسپارلاپ وتىر.

ۇسىنىلعان مالىمەتتەر شىمكەنت قالاسى مەملەكەتتىك ءارحيۆى مەن قالالىق ءماسليحاتى ءارحيۆى جانە تۇركىستان وبلىسىنىڭ مەملەكەتتىك ارحيۆتە ساقتاۋدا تۇرعان قۇجاتتار نەگىزىندە جيناقتالعان.

پىكىرلەر