Shymkent qalasynda el táýelsizdiginiń 30 jyldyǵyna oraı «Táýelsizdik jyldardaǵy Qurmetti azamattary» atty kórme uıymdastyryldy.
«Qurmetti azamattar» gúlzarynda arnaıy kórme jasaqtalyp, qalamyzdyń damýyna óz úlesterin qosqan, «Shymkent qalasynyń Qurmetti azamaty» ataǵyn alǵan 139 azamattyń 1991-2021 jyldar aralyǵyndaǵy eńbekteri, jobalary, sýretteri, kitaptary men qujattary qoıylǵan.
Jıynnyń qurmetti qonaǵy bolǵan arhıtektor Asqar Ázimbaev qalanyń gúldený jolyndaǵy jasaǵan jobalary jóninde baıandasa, QR Halyq ártisi Saparbaı Ótemisuly egemendikten keıingi Shymkent qalasynda teatr óneriniń órlegenin tilge tıek etip, Abaı óleńderinen úzindeler oqydy. Sonymen birge, Ádilhan Sultanbekov, Saǵynǵalı Abýbakırov, Ikram Hakımjanov, , jazýshy Serik Janábilov jáne Tatıana Romanovalar óziniń eńbek joldary týraly aıtty.
Búginde qalalyq arhıv mekemesi «Arhıv-2025» keshendik jospary boıynsha táýelsizdik jyldary qalaǵa eleýli úlesin qosqan azamattar týraly málimetter jınaǵyn jaryqqa shyǵarýdy josparlap otyr.
Usynylǵan málimetter Shymkent qalasy memlekettik arhıvi men qalalyq máslıhaty arhıvi jáne Túrkistan oblysynyń memlekettik arhıvte saqtaýda turǵan qujattar negizinde jınaqtalǵan.
