نازارباەۆ زياتكەرلىك مەكتەپتەرىندە World Robot Olympiad 2021 وليمپياداسىندا قازاقستاندى تانىستىرۋ قۇقىعىن العان روبوتوتەحنيكا بويىنشا ۇلتتىق چەمپيوناتتىڭ جەڭىمپازدارى اتالدى.
WRO-2021 بايقاۋىنىڭ باستى تاقىرىبى – PowerBots, ياعني قازىرگى زاماننىڭ ەڭ جاھاندىق باسىمدىقتارىنا ارنالعان. جاسىل ەكونوميكانىڭ بولاشاعىن قالاي قۇرۋعا بولادى، جاڭارتىلاتىن جاڭا ەنەرگيا كوزدەرىن قايدان الۋعا بولادى، ەكولوگيالىق جاۋاپكەرشىلىكتى قالاي قالىپتاستىرادى – جاس روبوتوتەحنيكتەر شىعارماشىلىق تۇرعىدان جانە جاس ەرەكشەلىكتەرىنە بايلانىستى Regular, Open, Future Engineers ساناتتارىندا ناقتى مىندەتتەردى قاراستىردى.
WRO-نىڭ ۇلتتىق كەزەڭىنە بارلىعى قىرىققا جۋىق كوماندا جينالدى، ولاردىڭ ارقايسىسى وڭىرلىك ىرىكتەۋ تۋرلارىندا تابىستى ونەر كورسەتتى. ونلاين فورمات قاتىسۋشىلاردىڭ ىنتاسىن، كرەاتيۆتىلىگىن، ۇزدىك دايىندىعى پەن جاس روبوتوتەحنيكتەردىڭ جەڭىسكە دەگەن ۇمتىلىسىن كورسەتتى.
نەگىزگى كىشى ساناتتا الماتى قالاسىنداعى «اق-نيەت» جەكە باستاۋىش مەكتەبىنىڭ MagicKris كومانداسى جەڭىمپاز اتاندى. كوماندا قۇرامى – كريستينا كيسەليوۆا، مارك بيريۋكوۆ، پەتر موروز جانە باپكەرى ولەگ كيسەليوۆ. ولار ەنەرگيا تۇتىنۋدى ازايتاتىن اقىلدى ءۇيدىڭ ەڭ وڭتايلى شەشىمىن ۇسىندى.
نەگىزگى ورتا ساناتتا چەمپيون تيتۋلىن الماتىلىق «Lessons.kz» وقۋ ورتالىعىنىڭ A and B كومانداسى جەڭىپ الدى. اريانا كادىروۆا مەن بەرنار بەرداليەۆ (جاتتىقتىرۋشى ايگەرىم ەركاباەۆا) جاساعان روبوتتار وليمپيادالىق جىلدامدىقتا گيبريدتى جانە ەلەكتروموبيلدەردى زاريادتاۋعا ارنالعان اككۋمۋلياتورلار تاراتتى.
نەگىزگى جوعارى ساناتتا كوماندالارعا جاڭارتىلاتىن رەسۋرستاردان تۇرعىن ۇيلەردى ەلەكتر ەنەرگياسىمەن جابدىقتاۋ، اككۋمۋلياتورلاردا ارتىق ەنەرگيا ساقتاۋ مىندەتتەرى قويىلدى. بۇل ساناتتا ءداستۇر بويىنشا نازارباەۆ زياتكەرلىك مەكتەپتەرى وكىلدەرىنە تەڭ كەلەر ەشكىم بولعان جوق. شىڭعىسبەك بالعاباي مەن التاير جامبىل (جاتتىقتىرۋشىسى ياسىنجان شاكان) باستاعان الماتىداعى حيميا-بيولوگيا باعىتىنداعى NIS-ءتىڭ Vector كومانداسى ەڭ ۇزدىك ۋاقىت پەن ەڭ جاقسى ناتيجە كورسەتتى. وسى ساناتتاعى بارلىق قۇرمەت تۇعىرىن زياتكەرلىك مەكتەپ وقۋشىلارى يەلەندى.
WeDo نەگىزگى كاتەگورياسىندا بالالار شىندىققا بارىنشا جاقىن كۇردەلى ماسەلەلەردى شەشتى. كوماندالار ورمان ورتتەرىمەن كۇرەسەتىن جانە ادامداردى قاۋىپسىز جەرلەرگە ەۆاكۋاتسيالايتىن روبوتتاردى جاساقتادى، كەيىن ورتەنگەن اعاشتاردىڭ ورنىنا جاڭاسىن وتىرعىزدى. بۇل تاپسىرمانى ورال قالاسىنداعى «Jaiq school» روبوتوتەحنيكا جانە باعدارلامالاۋ مەكتەبىنىڭ (جاتتىقتىرۋشى ەسەنعالي قايسار) Jaiq 3 كومانداسىنان شىققان دانيەل تالعاتوۆ پەن ەراسىل حايدار وتە جاقسى ورىندادى.
كىشى شىعارماشىلىق ساناتىندا حالىقارالىق روبوتوتەحنيكا اكادەمياسىنىڭ LegoMozg كومانداسىنان داۋجان بەكەتوۆ پەن كيريلل وستروۆسكي (جاتتىقتىرۋشىسى Tom Noah) كۇن پانەلى مەن جەل تۋربيناسىن قامتيتىن اقىلدى ەلەكتر ستانتسياسىن جاسادى. جاڭارتىلاتىن ەنەرگيا كوزدەرىنىڭ تيىمدىلىگىن ارتتىرۋعا باعىتتالعان جوبا ءوز اۆتورلارىنا جەڭىس اكەلدى.
ەلوردالىق فيزيكا-ماتەماتيكا باعىتىنداعى زياتكەرلىك مەكتەپتىڭ NG-PHOTOBIO كومانداسى اتىنان قاتىسقان امينا راحىمبەرگەنوۆا، الديار پازيلوۆ جانە داۋلەت مۇحانوۆ (جاتتىقتىرۋشىسى باقىتگۇل قاجىكەنوۆا) امورفتى بالدىرلار وسىمدىگىنەن بيووتىن الۋ ءۇشىن جاساندى ينتەللەكت قاعيداتتارىن پايدالاناتىن روبوت قۇردى. ولار جوعارى شىعارماشىلىق ساناتتاعى جەڭىمپازدار دەپ تانىلدى.
ءوز ساناتتارىندا ۇزدىك بولعان بارلىق كوماندالار 2021 جىلدىڭ قاراشا ايىندا ونلاين فورماتتا وتەتىن WRO-2021 الەمدىك كەزەڭىنە قاتىسۋ قۇقىعىن يەلەندى. قازىلار القاسى قۇرامىنا ەنگەن الەمدىك روبوتوتەحنيكانىڭ تانىمال تۇلعالارى بايقاۋعا قاشىقتان قاتىسادى دەپ جوسپارلانۋدا.
وڭىرلىك جارىستار مەن WRO ۇلتتىق چەمپيوناتىن جىل سايىن قازاقستانداعى World Robot Olympiad ۇلتتىق ۇيلەستىرۋشىسى رەتىندە «نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمى وتكىزەدى.
- وليمپيادالار وزەكتى ينجەنەرلىك-تەحنيكالىق مىندەتتەردى پراكتيكالىق شەشۋدىڭ شىعارماشىلىق قابىلەتى مەن داعدىلارىن دامىتۋعا، عىلىمي-تەحنيكالىق قىزمەتكە قىزىعۋشىلىقتى كەڭەيتۋگە، اقپاراتتىق تەحنولوگيالار سالاسىنداعى كاسىپتەردىڭ بەدەلىن ارتتىرۋعا باعىتتالعان، – دەپ اتاپ ءوتتى «نازارباەۆ زياتكەرلىك مەكتەپتەرى» دببۇ اقپاراتتىق تەحنولوگيالار جانە قىزمەت ورتالىعى ديرەكتورىنىڭ ورىنباسارى ازامات بيدانوۆ.
World Robot Olympiad (WRO) – دۇنيەجۇزىلىك روبوتتار وليمپياداسى، بۇل 10-19 جاس ارالىعىنداعى 6-11 سىنىپ وقۋشىلارىنا ارنالعان بايقاۋ.
