Nazarbaev Zııatkerlik mektepterinde World Robot Olympiad 2021 olımpıadasynda Qazaqstandy tanystyrý quqyǵyn alǵan robototehnıka boıynsha ulttyq chempıonattyń jeńimpazdary ataldy.
WRO-2021 baıqaýynyń basty taqyryby – PowerBots, ıaǵnı qazirgi zamannyń eń jahandyq basymdyqtaryna arnalǵan. Jasyl ekonomıkanyń bolashaǵyn qalaı qurýǵa bolady, jańartylatyn jańa energııa kózderin qaıdan alýǵa bolady, ekologııalyq jaýapkershilikti qalaı qalyptastyrady – jas robototehnıkter shyǵarmashylyq turǵydan jáne jas erekshelikterine baılanysty Regular, Open, Future Engineers sanattarynda naqty mindetterdi qarastyrdy.
WRO-nyń ulttyq kezeńine barlyǵy qyryqqa jýyq komanda jınaldy, olardyń árqaısysy óńirlik irikteý týrlarynda tabysty óner kórsetti. Onlaın format qatysýshylardyń yntasyn, kreatıvtiligin, úzdik daıyndyǵy pen jas robototehnıkterdiń jeńiske degen umtylysyn kórsetti.
Negizgi kishi sanatta Almaty qalasyndaǵy «Aq-Nıet» jeke bastaýysh mektebiniń MagicKris komandasy jeńimpaz atandy. Komanda quramy – Krıstına Kıselıova, Mark Bırıýkov, Petr Moroz jáne bapkeri Oleg Kıselıov. Olar energııa tutynýdy azaıtatyn aqyldy úıdiń eń ońtaıly sheshimin usyndy.
Negizgi orta sanatta chempıon tıtýlyn almatylyq «Lessons.kz» oqý ortalyǵynyń A and B komandasy jeńip aldy. Arıana Kadyrova men Bernar Berdalıev (jattyqtyrýshy Áıgerim Erkabaeva) jasaǵan robottar olımpıadalyq jyldamdyqta gıbrıdti jáne elektromobılderdi zarıadtaýǵa arnalǵan akkýmýlıatorlar taratty.
Negizgi joǵary sanatta komandalarǵa jańartylatyn resýrstardan turǵyn úılerdi elektr energııasymen jabdyqtaý, akkýmýlıatorlarda artyq energııa saqtaý mindetteri qoıyldy. Bul sanatta dástúr boıynsha Nazarbaev Zııatkerlik mektepteri ókilderine teń keler eshkim bolǵan joq. Shyńǵysbek Balǵabaı men Altaır Jambyl (jattyqtyrýshysy Iasynjan Shakan) bastaǵan Almatydaǵy hımııa-bıologııa baǵytyndaǵy NIS-tiń Vector komandasy eń úzdik ýaqyt pen eń jaqsy nátıje kórsetti. Osy sanattaǵy barlyq qurmet tuǵyryn Zııatkerlik mektep oqýshylary ıelendi.
WeDo negizgi kategorııasynda balalar shyndyqqa barynsha jaqyn kúrdeli máselelerdi sheshti. Komandalar orman órtterimen kúresetin jáne adamdardy qaýipsiz jerlerge evakýaııalaıtyn robottardy jasaqtady, keıin órtengen aǵashtardyń ornyna jańasyn otyrǵyzdy. Bul tapsyrmany Oral qalasyndaǵy «Jaiq school» robototehnıka jáne baǵdarlamalaý mektebiniń (jattyqtyrýshy Esenǵalı Qaısar) Jaiq 3 komandasynan shyqqan Danıel Talǵatov pen Erasyl Haıdar óte jaqsy oryndady.
Kishi shyǵarmashylyq sanatynda Halyqaralyq robototehnıka akademııasynyń LegoMozg komandasynan Daýjan Beketov pen Kırıll Ostrovskıı (jattyqtyrýshysy Tom Noah) kún paneli men jel týrbınasyn qamtıtyn aqyldy elektr stanııasyn jasady. Jańartylatyn energııa kózderiniń tıimdiligin arttyrýǵa baǵyttalǵan joba óz avtorlaryna jeńis ákeldi.
Elordalyq fızıka-matematıka baǵytyndaǵy Zııatkerlik mekteptiń NG-PHOTOBIO komandasy atynan qatysqan Amına Rahymbergenova, Aldııar Pazılov jáne Dáýlet Muhanov (jattyqtyrýshysy Baqytgúl Qajykenova) amorfty baldyrlar ósimdiginen bıootyn alý úshin jasandy ıntellekt qaǵıdattaryn paıdalanatyn robot qurdy. Olar joǵary shyǵarmashylyq sanattaǵy jeńimpazdar dep tanyldy.
Óz sanattarynda úzdik bolǵan barlyq komandalar 2021 jyldyń qarasha aıynda onlaın formatta ótetin WRO-2021 álemdik kezeńine qatysý quqyǵyn ıelendi. Qazylar alqasy quramyna engen álemdik robototehnıkanyń tanymal tulǵalary baıqaýǵa qashyqtan qatysady dep josparlanýda.
Óńirlik jarystar men WRO Ulttyq chempıonatyn jyl saıyn Qazaqstandaǵy World Robot Olympiad ulttyq úılestirýshisi retinde «Nazarbaev Zııatkerlik mektepteri» derbes bilim berý uıymy ótkizedi.
- Olımpıadalar ózekti ınjenerlik-tehnıkalyq mindetterdi praktıkalyq sheshýdiń shyǵarmashylyq qabileti men daǵdylaryn damytýǵa, ǵylymı-tehnıkalyq qyzmetke qyzyǵýshylyqty keńeıtýge, aqparattyq tehnologııalar salasyndaǵy kásipterdiń bedelin arttyrýǵa baǵyttalǵan, – dep atap ótti «Nazarbaev Zııatkerlik mektepteri» DBBU Aqparattyq tehnologııalar jáne qyzmet ortalyǵy dırektorynyń orynbasary Azamat Bıdanov.
World Robot Olympiad (WRO) – Dúnıejúzilik robottar olımpıadasy, bul 10-19 jas aralyǵyndaǵy 6-11 synyp oqýshylaryna arnalǵan baıqaý.
