شىمكەنت قالاسىنىڭ تۇرعىن ءۇي باسقارماسىنىڭ باسشىسى ازامات رىسجانوۆ تۇرعىنداردىڭ باسپانا ماسەلەسىنە قاتىستى وتىنىشتەرىن تىڭداپ، جەكە قابىلداۋ جۇرگىزدى.
باسقارما باسشىسى 30-عا جۋىق ازاماتتى قابىلدادى. باسپانا ماسەلەسىمەن كەلگەندەردىڭ ءبىرى قالا تۇرعىنى مايرا ءىزباساروۆا. تۇرعىن ءۇي كەزەگىنە حالىقتىڭ الەۋمەتتىك ءالسىز توبى ساناتىندا تولىق ەمەس وتباسى رەتىندە 2012 جىلى تىركەلگەن. ول تۇرعىن ءۇي كەزەگىنىڭ سوڭعى ۋاقىتتاردا ايتارلىقتاي جىلجىپ جاتقاندىعىن ەگوۆ ەلەكتروندىق پورتالى ارقىلى باقىلاۋ بارىسىندا بايقاعان.
باسقارما باسشىسى زاڭعا سايكەس مەملەكەتتىك تۇرعىن ءۇي قورىنان تۇرعىن ءۇي بەلگىلەنگەن تارتىپپەن كەزەك رەتى بويىنشا بەرىلەتىندىگىن جەتكىزدى.
اتالعان شارا بارىسىندا ا. رىسجانوۆ «نۇرلى جەر» مەملەكەتتىك باعدارلاماسى اياسىندا نەسيەلىك نەگىزدە «شاڭىراق» باعىتىنىڭ قاتىسۋشىلارىنا تۇرعىن ءۇي سەرتيفيكاتىنىڭ تالاپتارى مەن شارتتارىن ءتۇسىندىرىپ ءوتتى.
سونىمەن قاتار تۇرعىن ءۇي كەزەگىندەگى ازاماتتاردىڭ كەزەك رەتى باسقارما تاراپىنان اتقارىلىپ جاتقان جوسپار بويىنشا جانە جۇرگىزىلىپ جاتقان تۇگەندەۋ جۇمىستارىنا سايكەس ءتيىستى دەڭگەيدە جىلجىپ جاتقاندىعىن اتاپ ءوتتى.
تۇرعىن ءۇي كەزەگىنە قاتىستى قىزمەتتەر بۇگىندە تولىعىمەن اۆتوماتتاندىرىلعان. ازاماتتار وزدەرىنىڭ تۇرعىن ءۇي كەزەك رەتىن ەگوۆ ەلەكتروندىق پورتالى ارقىلى باقىلاي الادى
ايتا كەتۋ كەرەك، كرەديتتىك باعىتتا باسپانالى بولۋدى كوزدەگەن ازاماتتار ءۇشىن «شاڭىراق» باعدارلاماسى بويىنشا نەسيەلىك نەگىزدە جىلدىق مولشەرلەمەسى 5 پايىزبەن بەرىلەتىن ۇيلەرگە تىكەلەي ساتىلىم بويىنشا وتىنىمدەر «وتباسى» بانك ارقىلى اعىمداعى جىلدىڭ 15 قىركۇيەكتەن-13 قازان ارالىعىندا جۇرگىزىلۋدە.
«وتباسى» بانكى جاريالاعان اقپاراتتارعا سايكەس، شىمكەنت قالاسىندا «باقىتتى وتباسى» باعدارلاماسىنىڭ نەگىزگى تىزىمىندەگى تولەم قابىلەتتىگىن راستاعان، الايدا ءالى پاتەر ىزدەۋ ۇستىندە نەمەسە نەگىزگى تىزىمدە، ءالى بانككە كەلمەگەن ازاماتتار «شاڭىراق» باعىتى ارقىلى بەرىلىپ جاتقان باسپانالاردى 2 پايىزدىق جەڭىلدەتىلگەن كورسەتكىشپەن الا الادى. باعاسى نارىقتان تومەن باسپانانى الۋ ءۇشىن baspana.otbasybank.كz سايتى ارقىلى ازاماتتار ءوز وتىنىشتەرىن جولداي الادى. قالعان ازاماتتار ءۇشىن شاڭىراق باعدارلاماسى بويىنشا العاشقى جارنا 10 %، نەسيە 5 %-بەن بەرىلەدى.
