تۇركىستان وبلىسى ورداباسى اۋدانىنىڭ تۇرعىنى شامبەك راحمانوۆا ونلاين رەجيمدە قازاقستان رەسپۋبليكاسىنىڭ ۇلتتىق حالىق ساناعىنا قاتىستى.
«حالىق ساناعىنىڭ وتكەنى جاقسى. سەبەبى وسى ارقىلى حالقىمىزدىڭ شىنايى سانى بەلگىلى بولادى. ادامداردىڭ تۇرمىس دەڭگەيى، الەۋمەتتىك ماسەلەسى ساناق بارىسىندا انىقتالادى دەپ ويلايمىن. سوندىقتان بۇل ناۋقانعا ءبارىمىز قاتىسقانىمىز ءجون. مەن وزىمنەن تاراعان ۇلكەن اۋلەتتى حالىق ساناعىنا قاتىستىردىم. سىزدەر دە بەلسەندى بولىڭىزدار»، – دەدى 105 جاستاعى اجە.
اجەمىز جاستىق شاعىن ۇلى وتان سوعىسى جىلدارى تىلدا وتكەرىپ، كەيىننەن سوۆحوزدا جۇمىس ىستەگەن. شامبەك ساتەنقىزى 1936 جىلى تۇرمىس قۇرىپ، 10 بالا-شاعانى باۋلىپ وسىرگەن كوپبالالى انا.
بۇگىنگى تاڭدا ولاردان 29 نەمەرە 69 شوبەرە، 15 شوپشەك بارلىعى 113 نەمەرە، شوبەرە، شوپشەك ءسۇيىپ وتىر.
ايتا كەتەيىك، بۇگىندە اۋدان كولەمىندە عاسىر جاساعان 10-عا جۋىق اتا-اجە تۇگەلدەي دەرلىك الەۋمەتتىك ساۋالناماعا تىركەلدى. ارنايى ماماندار ءجۇز جاساعان تۇرعىنداردىڭ مەكەن-جايىندا بولىپ، تىركەۋ جۇمىستارىن جۇرگىزدى.
