Túrkistan oblysy Ordabasy aýdanynyń turǵyny Shambek Rahmanova onlaın rejımde Qazaqstan Respýblıkasynyń ulttyq halyq sanaǵyna qatysty.
«Halyq sanaǵynyń ótkeni jaqsy. Sebebi osy arqyly halqymyzdyń shynaıy sany belgili bolady. Adamdardyń turmys deńgeıi, áleýmettik máselesi sanaq barysynda anyqtalady dep oılaımyn. Sondyqtan bul naýqanǵa bárimiz qatysqanymyz jón. Men ózimnen taraǵan úlken áýletti halyq sanaǵyna qatystyrdym. Sizder de belsendi bolyńyzdar», – dedi 105 jastaǵy áje.
Ájemiz jastyq shaǵyn Uly Otan soǵysy jyldary tylda ótkerip, keıinnen sovhozda jumys istegen. Shambek Satenqyzy 1936 jyly turmys quryp, 10 bala-shaǵany baýlyp ósirgen kópbalaly ana.
Búgingi tańda olardan 29 nemere 69 shóbere, 15 shópshek barlyǵy 113 nemere, shóbere, shópshek súıip otyr.
Aıta keteıik, búginde aýdan kóleminde ǵasyr jasaǵan 10-ǵa jýyq ata-áje túgeldeı derlik áleýmettik saýalnamaǵa tirkeldi. Arnaıy mamandar júz jasaǵan turǵyndardyń meken-jaıynda bolyp, tirkeý jumystaryn júrgizdi.
