قالالىق جۇمىسپەن قامتۋ جانە الەۋمەتتىك قورعاۋ باسقارماسى، “جاستار رەسۋرستىق ورتالىعىمەن” بىرلەسە قالاداعى شالعاي ەلدى مەكەندەرىندە جۇمىسسىزدارعا ارنالعان كوشپەلى بوس جۇمىس ورىندارى جارمەڭكەسى ءوتتى.
بۇگىن، ياعني 29 قىركۇيەك كۇنى اباي جانە ءال-فارابي اۋداندارىنىڭ تۇرعىندارىنا قالاداعى ءتۇرلى مەكەمەلەر مەن كاسىپورىندارى تاراپىنان 2000-نان استام مەديتسينالىق، تەحنيكالىق جانە پەداگوگيكالىق ماماندىقتارى بويىنشا تۇراقتى جانە «ەڭبەك» مەملەكەتتىك باعدارلاماسى شەڭبەرىندە ۋاقىتشا بوس جۇمىس ورىندارىن ۇسىنىلدى.
- بۇگىنگى بوس جۇمىس ورىندارىنىڭ كوشپەلى جارمەڭكەسى قالاداعى شالعاي ەلدى مەكەندەرىندە تۇراتىن جۇمىسسىز ازاماتتارعا ۇيىمداستىرىلىپ وتىر. بوس جۇمىس ورىندارىن ۇسىنىپ قانا قويماي، ناتيجەلى ءارى تۇراقتى جۇمىسپەن قامتۋ، جۇمىس بەرۋشى مەكەمەلەردىڭ سۇرانىسىنا ساي قاجەتتى مامان تاڭداۋلارىنا مۇمكىندىك بەرىلەدى. الداعى ۋاقىتتا دا وسىنداي شارالار ءوز جالعاسىن تابادى-دەدى قالالىق جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى ب.ناربەكوۆا.
ايتا كەتسەك، كۇنى ەرتەڭ 30 قىركۇيەك كۇنى قالالىق جۇمىسپەن قامتۋ ورتالىعىنىڭ ۇيىمداستىرۋىمەن قاراتاۋ اۋدانى، قايناربۇلاق ساياجايىنداعى №83 مەكتەبىندە ساعات 10.00-13.00-دە،ال ەڭبەكشى اۋدانى، "جۇلدىز" م/ا، م. مامەتوۆا كوش، 30/1,268 ورامدا ورنالاسقان №94 مەكتەبىندە ساع 15.00-18.00-گە دەيىن ارالىعىندا بوس جۇمىس ورىندارىنىڭ جارمەڭكەسى وتەدى.
جالپى، جىل باسىنان بەرى «ەڭبەك» مەملەكەتتىك باعدارلاماسى شەڭبەرىندە 19 مىڭنان استام شىمكەنتتىكتەر جۇمىسپەن قامتۋ شارالارىنا قاتىستى. ونىڭ ىشىندە
7 329 ادام بوس جۇمىس ورىندارىنا، 695 ادام جاڭا جۇمىس ورىندارىنا، 331 الەۋمەتتىك جۇمىس ورىندارىنا ، 2524 ادام جاستار پراكتيكاسىمەن، 2845 ادام قوعامدىق جۇمىسقا جانە 114 ادام «العاشقى جۇمىس ورىندارى» جوباسى بويىنشا جۇمىسقا جولداندى.
