Qalalyq jumyspen qamtý jáne áleýmettik qorǵaý basqarmasy, “Jastar resýrstyq ortalyǵymen” birlese qaladaǵy shalǵaı eldi mekenderinde jumyssyzdarǵa arnalǵan kóshpeli bos jumys oryndary jármeńkesi ótti.
Búgin, ıaǵnı 29 qyrkúıek kúni Abaı jáne Ál-Farabı aýdandarynyń turǵyndaryna qaladaǵy túrli mekemeler men kásiporyndary tarapynan 2000-nan astam medıınalyq, tehnıkalyq jáne pedagogıkalyq mamandyqtary boıynsha turaqty jáne «Eńbek» memlekettik baǵdarlamasy sheńberinde ýaqytsha bos jumys oryndaryn usynyldy.
- Búgingi bos jumys oryndarynyń kóshpeli jármeńkesi qaladaǵy shalǵaı eldi mekenderinde turatyn jumyssyz azamattarǵa uıymdastyrylyp otyr. Bos jumys oryndaryn usynyp qana qoımaı, nátıjeli ári turaqty jumyspen qamtý, jumys berýshi mekemelerdiń suranysyna saı qajetti maman tańdaýlaryna múmkindik beriledi. Aldaǵy ýaqytta da osyndaı sharalar óz jalǵasyn tabady-dedi qalalyq jumyspen qamtý jáne áleýmettik qorǵaý basqarmasynyń basshysy B.Narbekova.
Aıta ketsek, kúni erteń 30 qyrkúıek kúni qalalyq jumyspen qamtý ortalyǵynyń uıymdastyrýymen Qarataý aýdany, Qaınarbulaq saıajaıyndaǵy №83 mektebinde saǵat 10.00-13.00-de,al Eńbekshi aýdany, "Juldyz" m/a, M. Mametova kósh, 30/1,268 oramda ornalasqan №94 mektebinde saǵ 15.00-18.00-ge deıin aralyǵynda bos jumys oryndarynyń jármeńkesi ótedi.
Jalpy, jyl basynan beri «Eńbek» memlekettik baǵdarlamasy sheńberinde 19 myńnan astam shymkenttikter jumyspen qamtý sharalaryna qatysty. Onyń ishinde
7 329 adam bos jumys oryndaryna, 695 adam jańa jumys oryndaryna, 331 áleýmettik jumys oryndaryna , 2524 adam jastar praktıkasymen, 2845 adam qoǵamdyq jumysqa jáne 114 adam «Alǵashqy jumys oryndary» jobasy boıynsha jumysqa joldandy.
