ەل تاۋەلسىزدىگىنىڭ 30 جىلدىعىنا وراي شىمكەنت قالالىق ورتالىقتاندىرىلعان كوپشىلىك كىتاپحانالار جۇيەسىنا قاراستى اباي كىتاپحاناسى مەن «Visit Shymkent» تۋريستىك اقپاراتتىق ورتالىعى شاحماتتان تۋرنير وتكىزدى. وعان «اق تۇلپار» ارداگەرلەر شاحمات كلۋبى مەن «جاس تولقىن» جاستار كومانداسى قاتىستى. شىمكەنت قالالىق ارداگەرلەر كەڭەسىنىڭ توراعاسى ك.تولەباەۆ تۋرنير قاتىسۋشىلارىنا ساتتىلىك تىلەدى.
بۇگىندە شىمكەنت – ەلىمىزدىڭ شاحمات ورتالىعىنا اينالىپ وتىر. الەمدى مويىنداتقان شاحماتشىلاردىڭ شىمكەنتتەن قاناتتانىپ، وسىندا وزدەرىنىڭ شاحمات مەكتەبىن قالىپتاستىرۋى دا سوزىمىزگە دالەل. ال، بۇگىنگى تۋرنير اعا بۋىن مەن وسكەلەڭ ۇرپاق اراسىنداعى بايلانىستى نىعايتىپ، شاحماتتى قالىڭ بۇقاراعا ناسيحاتتاۋ جانە كىتاپحانا وقىرماندارىنىڭ سانىن ارتتىرۋ ماقساتىندا ۇيىمداستىرىلىپ وتىر.
تۋرنيرگە اۋەسقوي 7 جۇپ قاتىستى. باس تورەشى داۋلەت نيازبەك باستاعان تورەشىلەر قاتىسۋشىلاردىڭ ويىنىن ءجىتى قاداعالاپ، تورەلىك ەتتى.
سايىستا «اق تۇلپار» ارداگەرلەر كلۋبىنىڭ وكىلدەرى باسىمدىقپەن العا شىقتى. جۇلدەلى ءبىرىنشى ورىندى ارداگەر ك.جۇماقوۆ يەلەنسە، ءىى ورىن ن.قونىسبەكوۆكە بۇيىردى. ال، ارداگەر ا.تاشمانوۆ ءۇشىنشى ورىندى قانجىعالادى. ويىن سوڭىندا جەڭىمپازدار ءتۇرلى دارەجەلى ديپلومدارمەن، ارنايى سىيلىقتارمەن ماراپاتتالادى.
ايتا كەتەيىك، شاراعا «BalTekstil»، «MEY»، «Delix»، «TOP SELLER of CHEMICAL PRODUCTS» كاسىپورىندارى مەن «شارا-بارا» سەرۆيس ورتالىعى دەمەۋشىلىك كورسەتتى.
