13 قاراشا – زاعيپتاردىڭ حالىقارالىق كۇنىنە وراي «شامShyraq» فەستيۆالى قالالىق كورمە ورتالىعىندا جالعاستى. ەل تاۋەلسىزدىگىنىڭ 30 جىلدىعىنا ارنالعان ءىس-شارا اياسىندا كوزى كورمەيتىن جانە ءالسىز كورەتىن ازاماتتار ينتەللەكتۋالدىق ويىنداردان سايىسقا ءتۇستى.
اتالعان فەستيۆال قالالىق مادەنيەت جانە تىلدەردى دامىتۋ باسقارماسى مەن قالالىق كوزى كورمەيتىن جانە ءالسىز كورەتىن ازاماتتارعا ارنالعان ارنايى كىتاپحاناسىنىڭ ۇيىتقى بولۋىمەن ءوتتى.
فەستيۆالدە «تۋعان ەلگە، تاعزىم!» اتتى ەسترادا ورىنداۋشىلارىنىڭ جانە «جانارسىز ادام كەلەدى... جانارلى بەيقام تىرلىكتەن » اتتى پوەزيالىق، «ونەر بەسىگىندە تەربەلىپ وسكەن – جامبىل » جىر، تەرمە ورىنداۋشىلارى مەن «ساۋساق ۇشىنداعى الەم» زاعيپتارعا ارنالعان ارنايى شاحمات جانە شاشكى بويىنشا سپورت سايىسىنىڭ جەڭىمپازدارى، قاتىسۋشىلارى گالا كونتسەرتتە ماراپاتتالدى.
ءىس-شارادا قالالىق كوزى كورمەيتىن جانە ءالسىز كورەتىن ازاماتتارعا ارنالعان ارنايى كىتاپحاناسىنىڭ ديرەكتورى باكىر ءابدىۇلى ءسوز الىپ، ونەر بايگەسىندە بەلسەندى بولعانداردى، شاحمات-شاشكا وويىندارىنىڭ جۇلدەگەرلەرىن قۇتتىقتاپ، ولارعا ساتتىلىك تىلەدى.
ءىس-شارا بارىسىندا «تاۋەلسىزدىككە تاعزىم!» زاعيپ وقىرماندارمەن اتقارىلعان جۇمىستار كورمەسى ورنالاستىرىلدى. ستەندتەردە كىتاپحانانىڭ تاريحى مەن فوتو سۋرەتتەرى كوپشىلىككە تانىستىرىلدى.
«رۋحتى جاڭعىرتۋ، پارىزىمىز» اتتى ارنايى كىتاپحانانىڭ تاۋەلسىزدىكتىڭ 30 جىلدىعىنا ارنالىپ شىعارىلعان تاكتيلدى كىتاپتار تۇساۋكەسەرى دە ءوتتى. كىتاپحانا قىزمەتكەرلەرى ارنايى تيفلوقۇرالدار ارقىلى وقىرماندارعا برايلمەن جازۋعا ارنالعان 18 جولدىق قۇرىلعىمەن، گريفەل برايل قارىنداشىمەن، Perkins Standart مەحانيكالىق برايل ماشينكاسىمەن جۇمىس ىستەۋدى كورسەتتى.
الماتى قالاسىنان كەلگەن SATR.kz كومپانياسىنىڭ زاعيپ جاندارعا ارنالعان اۆتوماتتاندىرىلعان قۇرىلعىلارى جينالعاندارعا تانىستىرىلىپ، 3D فورماتتاعى كىتاپتار كوپشىلىكتىڭ نازارىنا ۇسىنىلدى.
ال گالا كونتسەرتتە «مۇنارلان» توبىنىڭ ءانشىسى باعلان جولداسوۆ، «ءسات» تريوسىنىڭ مۇشەسى تۇرار تۇرمىسوۆ، بەلگىلى ءانشى استانا قارعاباي ونەر كورسەتىپ، جينالعان كوپشىلىكتى ەرەكشە اسەرگە بولەدى.
