Şymkentte Halyqaralyq zaǧiptar künı atalyp öttı

13 qaraşa – zaǧiptardyŋ halyqaralyq künıne orai «ŞamShyraq» festivalı qalalyq Körme ortalyǧynda jalǧasty. El Täuelsızdıgınıŋ 30 jyldyǧyna arnalǧan ıs-şara aiasynda közı körmeitın jäne älsız köretın azamattar intellektualdyq oiyndardan saiysqa tüstı. Atalǧan festival qalalyq mädeniet jäne tılderdı damytu basqarmasy men qalalyq közı körmeitın jäne älsız köretın azamattarǧa arnalǧan arnaiy kıtaphanasynyŋ ūiytqy boluymen öttı. Festivalde «Tuǧan elge, taǧzym!» atty estrada oryndauşylarynyŋ jäne «Janarsyz adam keledı... janarly beiqam tırlıkten » atty poeziialyq, «Öner besıgınde terbelıp ösken – Jambyl » jyr, terme oryndauşylary men «Sausaq ūşyndaǧy älem» zaǧiptarǧa arnalǧan arnaiy şahmat jäne şaşkı boiynşa sport saiysynyŋ jeŋımpazdary, qatysuşylary gala konsertte marapattaldy. Is-şarada qalalyq közı körmeitın jäne älsız köretın azamattarǧa arnalǧan arnaiy kıtaphanasynyŋ direktory Bäkır Äbdıūly söz alyp, öner bäigesınde belsendı bolǧandardy, şahmat-şaşka ooiyndarynyŋ jüldegerlerın qūttyqtap, olarǧa sättılık tıledı. Is-şara barysynda «Täuelsızdıkke taǧzym!» zaǧip oqyrmandarmen atqarylǧan jūmystar körmesı ornalastyryldy. Stendterde kıtaphananyŋ tarihy men foto suretterı köpşılıkke tanystyryldy. «Ruhty jaŋǧyrtu, paryzymyz» atty arnaiy kıtaphananyŋ täuelsızdıktıŋ 30 jyldyǧyna arnalyp şyǧarylǧan taktildı kıtaptar tūsaukeserı de öttı. Kıtaphana qyzmetkerlerı arnaiy tifloqūraldar arqyly oqyrmandarǧa Brailmen jazuǧa arnalǧan 18 joldyq qūrylǧymen, grifel Brail qaryndaşymen, Perkins Standart mehanikalyq brail maşinkasymen jūmys ısteudı körsettı. Almaty qalasynan kelgen SATR.kz kompaniiasynyŋ zaǧip jandarǧa arnalǧan avtomattandyrylǧan qūrylǧylary jinalǧandarǧa tanystyrylyp, 3D formattaǧy kıtaptar köpşılıktıŋ nazaryna ūsynyldy. Al gala konsertte «Mūnarlan» tobynyŋ änşısı Baǧlan Joldasov, «Sät» triosynyŋ müşesı Tūrar Tūrmysov, belgılı änşı Astana Qarǧabai öner körsetıp, jinalǧan köpşılıktı erekşe äserge böledı.