«Shymkent jastar ligasy» جەڭىمپازدارى انىقتالدى

572

شىمكەنتتەگى جوعارى جانە ارناۋلى وقۋ ورىندارى اراسىندا وتكەن سپورتتىق دودا ءوز مارەسىنە جەتتى. جوعارى سپورت شەبەرلىگى مەكتەبىندە «Shymkent jastar ligasy» جوباسىنىڭ قاتىسۋشىلارىنا قۇرمەت كورسەتىلىپ، جەڭىمپازدار ماراپاتتالدى. جارىس ەل تاۋەلسىزدىگىنىڭ 30 جىلدىعىنا ارنالىپ ۇيىمداستىرىلعان بولاتىن.

ءدۇبىرلى دودانىڭ جابىلۋ راسىمىندە ءسوز العان قالا اكىمىنىڭ ءبىرىنشى ورىنباسارى شىڭعىس مۇقان بارلىق قاتىسۋشىلارعا ساتتىلىك تىلەپ، اتالعان جوبانىڭ اۋقىمى كەڭەيىپ، تاتۋلىق پەن دوستىقتى تۋ ەتكەن بىرىنشىلىكتىڭ تارتىستى بولعانىن ايتتىپ ءوتتى. سونىمەن قاتار، جۇلدەگەر اتانعان جاستاردى جەڭىستەرىمەن قۇتتىقتادى.

– قالا اكىمىنىڭ قولداۋىمەن وتكەن جىلى جاستار ليگاسىنىڭ ءبىرىنشى كەزەڭىن وتكىزگەن بولاتىنبىز. بيىل جاڭا وقۋ جىلىندا جوعارى جانە ارناۋلى وقۋ ورىندارىنان دا كوماندالار جارىسقا قاتىسۋعا نيەت ءبىلدىردى. جارىستىڭ ماقساتى – سالاۋاتتى ءومىر سالتىن قالىپتاستىرىپ، سپورتتىڭ بۇقارالىعىن ارتتىرۋ. اتالعان جارىس باقتالاستىق ەمەس، دوستىق قارىم-قاتىناستى نىعايتۋعا سەپ بولادى دەپ سەنەمىز، - دەدى شىڭعىس جۇمابەكۇلى.

سپورتتىق سايىسقا جوعارى جانە ارناۋلى وقۋ ورىندارىنان جالپى 98 كوماندا قاتىسقان. ولار فۋتبول، ۆولەيبول، باسكەتبول، شاحمات سىندى سپورت تۇرلەرىنەن باق سىنادى. تارتىستى دودا ناتيجەسىندە جەڭىسكە جەتكەندەرگە كۋبوك پەن مەدالدار تابىستالدى.

سالتاناتتى جيىن سوڭىندا جاس گيمناستشىلار ونەر كورسەتىپ، ءىس-شارا كونتسەرتتىك باعدارلاماعا ۇلاستى.

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket