Shymkenttegi joǵary jáne arnaýly oqý oryndary arasynda ótken sporttyq doda óz máresine jetti. Joǵary sport sheberligi mektebinde «Shymkent jastar ligasy» jobasynyń qatysýshylaryna qurmet kórsetilip, jeńimpazdar marapattaldy. Jarys el Táýelsizdiginiń 30 jyldyǵyna arnalyp uıymdastyrylǵan bolatyn.
Dúbirli dodanyń jabylý rásiminde sóz alǵan qala ákiminiń birinshi orynbasary Shyńǵys Muqan barlyq qatysýshylarǵa sáttilik tilep, atalǵan jobanyń aýqymy keńeıip, tatýlyq pen dostyqty tý etken birinshiliktiń tartysty bolǵanyn aıttyp ótti. Sonymen qatar, júldeger atanǵan jastardy jeńisterimen quttyqtady.
– Qala ákiminiń qoldaýymen ótken jyly Jastar lıgasynyń birinshi kezeńin ótkizgen bolatynbyz. Bıyl jańa oqý jylynda joǵary jáne arnaýly oqý oryndarynan da komandalar jarysqa qatysýǵa nıet bildirdi. Jarystyń maqsaty – salaýatty ómir saltyn qalyptastyryp, sporttyń buqaralyǵyn arttyrý. Atalǵan jarys baqtalastyq emes, dostyq qarym-qatynasty nyǵaıtýǵa sep bolady dep senemiz, - dedi Shyńǵys Jumabekuly.
Sporttyq saıysqa joǵary jáne arnaýly oqý oryndarynan jalpy 98 komanda qatysqan. Olar fýtbol, voleıbol, basketbol, shahmat syndy sport túrlerinen baq synady. Tartysty doda nátıjesinde jeńiske jetkenderge kýbok pen medaldar tabystaldy.
Saltanatty jıyn sońynda jas gımnastshylar óner kórsetip, is-shara konerttik baǵdarlamaǵa ulasty.
