شىمكەنتتە نىسانا كوزدەۋدەن 14-ءشى ازيا چەمپيوناتى اياقتالدى. قۇرلىقتىق چەمپيونات قورىتىندىسى بويىنشا قازاقستان كومانداسى 12 التىن جۇلدەگە يە بولدى. وتاندىق سپورتشىلار 12 التىن، 12 كۇمىس جانە 12 قولا مەدالمەن جالپىكوماندالىق ەسەپتە كوش باستادى.
ەكىنشى ورىنعا 5 التىن، 8 كۇمىس جانە 4 قولا مەدال جەڭىپ العان وزبەكستان كومانداسى، ءۇشىنشى ساتىعا 5 التىن جانە 3 كۇمىس يەلەنگەن يندونەزيا قۇراماسى جايعاسقان. ازيا بىرىنشىلىگىنە قۇرلىقتىڭ 10 مەملەكەتىنەن 176 سپورتشى قاتىستى.
سونداي-اق، پنەۆماتيكالىق ۆينتوۆكامەن نىسانا كوزدەۋدەن كوماندالىق جارىستا يۋري يۋركوۆ، يسلام ۋسەينوۆ جانە الەكسەي كلەيمەنوۆ توپ جاردى. ارالاس كوماندالىق سىندا يرينا لوكتيونوۆا مەن ەلدار يمانقۇلوۆ كۇمىسكە قول جەتكىزدى.
ازيا چەمپيوناتىندا يسلام ۋسەينوۆ (جەكەلەي سىن، كوماندالىق سىن، قر رەكوردى), ەلدار يمانقۇلوۆ (جەكەلەي جانە كوماندالىق سىن), زۋحرا يرنازاروۆا (جەكەلەي سىن), نيكيتا شاحتورين (جەكەلەي جانە كوماندالىق سىن، جاسوسپىرىمدەر اراسىندا ەل رەكوردى), يۋري يۋركوۆ سىندى مەرگەندەر ۇزدىك ناتيجە كورسەتتى.
