Shymkentte nysana kózdeýden 14-shi Azııa chempıonaty aıaqtaldy. Qurlyqtyq chempıonat qorytyndysy boıynsha Qazaqstan komandasy 12 altyn júldege ıe boldy. Otandyq sportshylar 12 altyn, 12 kúmis jáne 12 qola medalmen jalpykomandalyq esepte kósh bastady.
Ekinshi orynǵa 5 altyn, 8 kúmis jáne 4 qola medal jeńip alǵan Ózbekstan komandasy, úshinshi satyǵa 5 altyn jáne 3 kúmis ıelengen Indonezııa quramasy jaıǵasqan. Azııa birinshiligine qurlyqtyń 10 memleketinen 176 sportshy qatysty.
Sondaı-aq, pnevmatıkalyq vıntovkamen nysana kózdeýden komandalyq jarysta Iýrıı Iýrkov, Islam Ýseınov jáne Alekseı Kleımenov top jardy. Aralas komandalyq synda Irına Loktıonova men Eldar Imanqulov kúmiske qol jetkizdi.
Azııa chempıonatynda Islam Ýseınov (jekeleı syn, komandalyq syn, QR rekordy), Eldar Imanqulov (jekeleı jáne komandalyq syn), Zýhra Irnazarova (jekeleı syn), Nıkıta Shahtorın (jekeleı jáne komandalyq syn, jasóspirimder arasynda el rekordy), Iýrıı Iýrkov syndy mergender úzdik nátıje kórsetti.
