شىمكەنت: بەس كولونيادا سوتتالۋشىلاردىڭ قولىمەن جاسالعان بۇيىمداردىڭ كورمەسى ءوتتى

1287
Adyrna.kz Telegram

تۇزەۋ مەكەمەسىندە، شىمكەنت قالاسى مەن تۇركىستان وبلىسىنداعى بەس كولونياداعى سوتتالۋشىلاردىڭ قولىمەن جاسالعان بۇيىمداردىڭ كورمەسى ءوتتى.

بايقاۋعا ۇسىنىلعان جۇمىستاردى، قۇرامىندا مەكەمە جانە مەملەكەتتىك قىزمەتكەرلەرى بار قازىلار القاسى باعالادى. جەڭىمپازدار اقشالاي سىيلىقتارمەن ماراپاتتالدى.

اعاش وڭدەۋ شەبەرحاناسىندا-قىلمىسكەرلەر، سان-الۋان تاعدىر، ءتۇرلى مەرزىمگە باس بوستاندىعىنان ايرىلعان كاسىپتەرى سان قيلى ادامدار. كادەسىي ونىمدەرى: قوبديشالار، شاحمات، اس ءۇي جيىنتىقتارى، تاقتايشالار مەن كەمەلەر – بۇل سوتتالعاندار ءۇشىن حوببي عانا ەمەس، بۇل شىعارماشىلىق. مۇنداعى كوپتەگەن ادامدار بۇكىل ۋاقىتتى وسىمەن وتكىزەدى.

«جەكە كاسىپكەرمەن جۇمىس ىستەيمىز. ءبىز اعاشتان جاسالعان ەكو-ىدىس – اياق، كرەسلولار، كادەسىيلار-ناردى جانە شاحمات جاسايمىز. بارلىعى جۇمىس ىستەيدى، جالاقى الادى. ءبىز تۋىستارىمىزعا اقشا جىبەرەمىز»، دەيدى جازاسىن وتەۋشى.

سوتتالعاندار قولداعى ماتەريالداردان ءتۇرلى قولونەر بۇيىمدارىن جاساۋدا ايتارلىقتاي شەبەرلىك تانىتتى. مەكەمە قىزمەتكەلەرى مەن مەملەكەتتىك قىزمەتكەرلەرىنەن جاساقتالعان قازىلار القاسى جۇمىستىڭ وزىندىك ەرەكشەلىگى مەن ەستەتيكالىق كەلبەتىن باعالادى. سوتتالعانداردىڭ اراسىندا ءوز ءىسىنىڭ شەبەرلەرى – دارىندى ادامدار كوپ.

رايحان قۇدايبەرگەنوۆا، تۇركىستان وبلىسى جانە شىمكەنت قالاسى بويىنشا قوعامدىق باقىلاۋ كوميسسياسىنىڭ ءتورايىمى: «مەنىڭ ويىمشا ءبىز ءادىل تاڭدادىق، كوپشىلىك داۋىسپەن. قازىلار القاسىنىڭ قۇرامىندا قوعامدىق باقىلاۋ كوميسسياسىنىڭ مۇشەلەرى مەن اكىمدىك قىزمەتكەرلەرى بۇيىمداردى كورىپ شىقتى. بايقاۋعا ۇسىنىلعان بۇيىمداردى باعالاعاندا، ولاردى جاساۋعا كەتكەن ەڭبەك پەن قانداي ماعىنامەن جاسالعانى ەسكەرىلدى».

بايقاۋدا ءبىرىنشى ورىندى ەكى سوتتالعان ءبولىستى. باس جۇلدە 167 /4 4 تۇزەۋ كولونياسىنىڭ جازاسىن وتەۋشىسىنە بۇيىرسا، ەرلەر اراسىندا – بەسبارماققا ارنالعان ۇلتتىق ىدىس – اياق-استاۋ ءۇشىن-15 مىڭ تەڭگە 167/ 2 يچ مەكەمەسىندەگى سوتتالۋشىعا تابىس ەتىلدى.

نۇرلىبەك ساندىباەۆ، تۇزەۋ مەكەمەسى باستىعىنىڭ ورىنباسارى: «بايقاۋعا 5 تۇزەۋ مەكەمەسىنەن قاتىستى. ونىڭ ىشىندە ايەلدەر كولونياسى دا بار. مۇنداي بايقاۋ جىلىنا ءبىر ۇيىمداستىرىلىپ تۇرادى. سۋرەتتەر مەن بۇيىمدار ارقىلى ولار ءومىر تۋرالى ويلارى مەن يدەيالارىن، اينالاداعى شىندىققا دەگەن كوزقاراسىن بىلدىرەدى. ونەر ادامدى قاتتى وزگەرتەدى. بوستاندىققا شىققاننان كەيىن ولار اعاش كەسۋ نەمەسە جيھاز جاساۋ تاجىريبەسىن قولدانا الادى».

سۋرەتتەر مەن ساندىك بۇيىمداردى اۆتورلار بالالار ۇيىنە سىيعا تارتتى.

شىنار ورازوۆا

پىكىرلەر