Túzeý mekemesinde, Shymkent qalasy men Túrkistan oblysyndaǵy bes kolonııadaǵy sottalýshylardyń qolymen jasalǵan buıymdardyń kórmesi ótti.
Baıqaýǵa usynylǵan jumystardy, quramynda mekeme jáne memlekettik qyzmetkerleri bar qazylar alqasy baǵalady. Jeńimpazdar aqshalaı syılyqtarmen marapattaldy.
Aǵash óńdeý sheberhanasynda-qylmyskerler, san-alýan taǵdyr, túrli merzimge bas bostandyǵynan aırylǵan kásipteri san qıly adamdar. Kádesyı ónimderi: qobdıshalar, shahmat, as úı jıyntyqtary, taqtaıshalar men kemeler – bul sottalǵandar úshin hobbı ǵana emes, bul shyǵarmashylyq. Mundaǵy kóptegen adamdar búkil ýaqytty osymen ótkizedi.
«Jeke kásipkermen jumys isteımiz. Biz aǵashtan jasalǵan eko-ydys – aıaq, kreslolar, kádesyılar-nardy jáne shahmat jasaımyz. Barlyǵy jumys isteıdi, jalaqy alady. Biz týystarymyzǵa aqsha jiberemiz», deıdi jazasyn óteýshi.
Sottalǵandar qoldaǵy materıaldardan túrli qolóner buıymdaryn jasaýda aıtarlyqtaı sheberlik tanytty. Mekeme qyzmetkeleri men memlekettik qyzmetkerlerinen jasaqtalǵan qazylar alqasy jumystyń ózindik ereksheligi men estetıkalyq kelbetin baǵalady. Sottalǵandardyń arasynda óz isiniń sheberleri – daryndy adamdar kóp.
Raıhan Qudaıbergenova, Túrkistan oblysy jáne Shymkent qalasy boıynsha qoǵamdyq baqylaý komıssııasynyń tóraıymy: «Meniń oıymsha biz ádil tańdadyq, kópshilik daýyspen. Qazylar alqasynyń quramynda qoǵamdyq baqylaý komıssııasynyń músheleri men ákimdik qyzmetkerleri buıymdardy kórip shyqty. Baıqaýǵa usynylǵan buıymdardy baǵalaǵanda, olardy jasaýǵa ketken eńbek pen qandaı maǵynamen jasalǵany eskerildi».
Baıqaýda birinshi oryndy eki sottalǵan bólisti. Bas júlde 167 /4 4 túzeý kolonııasynyń jazasyn óteýshisine buıyrsa, erler arasynda – besbarmaqqa arnalǵan ulttyq ydys – aıaq-astaý úshin-15 myń teńge 167/ 2 ICh mekemesindegi sottalýshyǵa tabys etildi.
Nurlybek Sandybaev, túzeý mekemesi bastyǵynyń orynbasary: «Baıqaýǵa 5 túzeý mekemesinen qatysty. Onyń ishinde áıelder kolonııasy da bar. Mundaı baıqaý jylyna bir uıymdastyrylyp turady. Sýretter men buıymdar arqyly olar ómir týraly oılary men ıdeıalaryn, aınaladaǵy shyndyqqa degen kózqarasyn bildiredi. Óner adamdy qatty ózgertedi. Bostandyqqa shyqqannan keıin olar aǵash kesý nemese jıhaz jasaý tájirıbesin qoldana alady».
Sýretter men sándik buıymdardy avtorlar balalar úıine syıǵa tartty.
Shynar Orazova
