شىمكەنت قالاسىندا «نۇرلى جەر» مەملەكەتتىك باعدارلاماسى اياسىندا «باقىتتى وتباسى» باعىتى ارقىلى نەسيەلىك نەگىزدە 127 ازامات باسپانالى بولدى. «باقىتتى وتباسى» باعىتىنىڭ شارتتارى مەن تالاپتارىنا سايكەس ازاماتتار پاتەردى جاڭا جانە ەكىنشى نارىقتان وزدەرى ىزدەپ تاپقان. بۇدان بولەك، بۇگىندە اتالعان باعىت بويىنشا كونكۋرستان وتكەن 203 قاتىسۋشى وزدەرىنىڭ تولەم قابىلەتتىلىكتەرىنە سايكەس تۇرعىن ءۇي ىزدەۋ ۇستىندە.
«باقىتتى وتباسى» باعىتىنىڭ نەگىزگى قاتىسۋشالارى – تۇرعىن ءۇي كەزەگىندەگى «التىن القا»، «كۇمىس القا» القالارىمەن ماراپاتتالعان نەمەسە بۇرىن «باتىر انا» اتاعىن العان، سونداي-اق ءى جانە ءىى دارەجەلى «انا داڭقى» وردەندەرىمەن ماراپاتتالعان كوپ بالالى انالار، تولىق ەمەس وتباسىلار، مۇگەدەك بالا تاربيەلەپ وتىرعان وتباسىلار.
ايتا كەتۋ كەرەك، جىل سوڭىنا دەيىن «باقىتتى وتباسى» باعىتى ارقىلى جالپى سانى 589 وتباسى باسپالى بولۋ جوسپارلانعان بولاتىن. باعدارلاما ەلىمىزدەگى از قامتىلعان وتباسىلاردىڭ جىلدىق 2 %-دىق مولشەرلەمەمەن تۇرعىن ءۇي الۋعا مۇمكىندىك بەرۋدە.
شىمكەنت قالاسى بويىنشا 2021 جىلعا بولىنگەن ءليميتتىڭ اياقتالۋىنا بايلانىستى ازاماتتار «باقىتتى وتباسى» باعدارلاماسىنا كەلەر جىلى «وتباسى بانك» ارقىلى قاتىسا الادى.
"ادىرنا" ۇلتتىق پورتالى
