Shymkent qalasynda «Nurly jer» memlekettik baǵdarlamasy aıasynda «Baqytty otbasy» baǵyty arqyly nesıelik negizde 127 azamat baspanaly boldy. «Baqytty otbasy» baǵytynyń sharttary men talaptaryna sáıkes azamattar páterdi jańa jáne ekinshi naryqtan ózderi izdep tapqan. Budan bólek, búginde atalǵan baǵyt boıynsha konkýrstan ótken 203 qatysýshy ózderiniń tólem qabilettilikterine sáıkes turǵyn úı izdeý ústinde.
«Baqytty otbasy» baǵytynyń negizgi qatysýshalary – turǵyn úı kezegindegi «Altyn alqa», «Kúmis alqa» alqalarymen marapattalǵan nemese buryn «Batyr ana» ataǵyn alǵan, sondaı-aq I jáne II dárejeli «Ana dańqy» ordenderimen marapattalǵan kóp balaly analar, tolyq emes otbasylar, múgedek bala tárbıelep otyrǵan otbasylar.
Aıta ketý kerek, jyl sońyna deıin «Baqytty otbasy» baǵyty arqyly jalpy sany 589 otbasy baspaly bolý josparlanǵan bolatyn. Baǵdarlama elimizdegi az qamtylǵan otbasylardyń jyldyq 2 %-dyq mólsherlememen turǵyn úı alýǵa múmkindik berýde.
Shymkent qalasy boıynsha 2021 jylǵa bólingen lımıttiń aıaqtalýyna baılanysty azamattar «Baqytty otbasy» baǵdarlamasyna keler jyly «Otbasy bank» arqyly qatysa alady.
"Adyrna" ulttyq portaly
