تۇركىستان وبلىسى تۇلكىباس اۋدانىندا ءۇش شارۋا قوجالىق بالىق شارۋاشىلىعى كاسىبىن قولعا الىپ، جاساندى توعاندارعا العاشقى شاباقتارىن جىبەرە باستادى. ماشات اۋىلدىق وكرۋگىندەگى «جەتى ءۇي» شارۋاقوجالىعىندا 15 مىڭ دانا سازان، ءدونماڭداي، اق امۋر بالىق شاباقتارى وسىرىلۋدە.
كاسىپكەر قايىرعالي تايبولوۆتىڭ ايتۋىنشا، وتكەن جىلى اۋدان اكىمدىگىنىڭ قولداۋىمەن ۇيىرگەلىك جەرىن راسىمدەپ، جاساندى توعان سالعان. بيىلدىڭ كوكتەمىندە قوسىمشا 3 مىڭ دانا اتالعان بالىق تۇرلەرىنىڭ شاباقتارى جىبەرىلگەن.
ايتا كەتەيىك، بالىق شارۋاشىلىعىمەن اينالىساتىن شارۋالارعا مەملەكەت تاراپىنان قولداۋ كوپ. ماسەلەن، بالىققا بەرىلەتىن جەمنىڭ 50 پايىزى مەملەكەت تاراپىنان سۋبسيديالانادى.
جانەركە حۋمار
