Túrkistan oblysy Túlkibas aýdanynda úsh sharýa qojalyq balyq sharýashylyǵy kásibin qolǵa alyp, jasandy toǵandarǵa alǵashqy shabaqtaryn jibere bastady. Mashat aýyldyq okrýgindegi «Jeti úı» sharýaqojalyǵynda 15 myń dana sazan, dónmańdaı, aq amýr balyq shabaqtary ósirilýde.
Kásipker Qaıyrǵalı Taıbolovtyń aıtýynsha, ótken jyly aýdan ákimdiginiń qoldaýymen úıirgelik jerin rásimdep, jasandy toǵan salǵan. Bıyldyń kókteminde qosymsha 3 myń dana atalǵan balyq túrleriniń shabaqtary jiberilgen.
Aıta keteıik, balyq sharýashylyǵymen aınalysatyn sharýalarǵa memleket tarapynan qoldaý kóp. Máselen, balyqqa beriletin jemniń 50 paıyzy memleket tarapynan sýbsıdııalanady.
Janerke Hýmar
