ءۇشىنشى مەگاپوليستەگى ءدىني كونفەسسيا وكىلدەرى اراسىنداعى سپورتتىق سايىس اياقتالدى. "الامان" سپورت كەشەنىندە وتكەن جابىلۋ راسىمىنە شىمكەنت قالالىق ءماسليحاتىنىڭ دەپۋتاتتارى مۇرات جولدىقوجاەۆ پەن تالعات بالتاباەۆ، قالالىق سپورت باسقارماسى باسشىسىنىڭ ورىنباسارى ەرمەك دارمەنوۆ، ءدىن ىستەرى باسقارماسىنىڭ جەتەكشىلەرى، ءدىني كونفەسسيا وكىلدەرى مەن قالا تۇرعىندارى قاتىستى.
– ءدىن وكىلدەرىنىڭ اراسىنداعى سپورت سايىستارى جىلدا ۇيىمداستىرىلىپ تۇرادى. بيىلعى ەرەكشەلىك – شىمكەنتتەگى جارىستار ءبىر اي بويعى سپارتاكيادا تۇرىندە ءوتتى. كەلەسى جىلى دا وسى ءداستۇردى جالعاستىرۋ جوسپارىمىزدا بار، – دەدى شىمكەنت قالاسىنىڭ ءدىن ىستەرى باسقارماسى باسشىسىنىڭ مىندەتىن اتقارۋشى باقىت الياكپاروۆ.
سالتاناتتى جيىندا سپورت جارىستارىنىڭ جەڭىمپازدارى ماراپاتتالدى. اتاپ ايتقاندا شاحماتتان كامرا ۆاپاەۆ 1-ورىنعا يە بولسا، ۇستەل تەننيسىنەن زاماناي ساماتوۆ جەڭىمپاز اتاندى. ال شاعىن فۋتبولدان قالالىق ورتالىق اقمەشىتتىڭ كومانداسى چەمپيون اتاندى.
جەڭىمپازدار مەن جۇلدەگەرلەرگە العىس حاتتار مەن ديپلومدار، باعالى سىيلىقتار تابىستالدى.
ايتا كەتەيىك، ءدىن وكىلدەرى اراسىنداعى سپارتاكيادا قازاقستان رەسپۋبليكاسى تاۋەلسىزدىگىنىڭ 30 جىلدىعى مەن 18 قازان – رۋحاني كەلىسىم كۇنىنە ورايلاستىرىپ وتكىزىلدى. مۇنداعى ماقسات – تۇرعىندار اراسىنداعى تاتۋلىق پەن كەلىسىمدى نىعايتۋ، بۇقارالىق سپورتتى ناسيحاتتاۋ، سالاۋاتتى ءومىر سالتىن راسىمدەۋ.
نۋرلان بەكتاەۆ
