ەكاتەرينبۋرگتىڭ لەنين اۋداندىق سوتى 22 جاستاعى قازاقستان ازاماتىن قىزمەتتىك كولىكتە زورلاۋ ءىسى بويىنشا بۇرىنعى ءۇش پوليتسيا قىزمەتكەرىن اقتادى، دەپ حابارلايدى "ادىرنا" ۇلتتىق پورتالى.
سوت پوليتسيا قىزمەتكەرلەرىنىڭ ارەكەتىنەن قىلمىستىڭ زاتتاي ايعاقتارىن تاپپاعان.
تەرگەۋ مالىمەتىنشە، 2019 جىلدىڭ 18 تامىزىندا پوليتسەيلەر ۆاديم مۋستافين، اندرەي بەسسارابوۆ جانە ۆياچەسلاۆ تروپين ەسىمدى قازاقستان ازاماتىن ۇستاعان. ولار قىزدى ۋاز پوليتسەي كولىگىنە وتىرعىزىپ، زورلاعان. جابىرلەنۋشىنىڭ ايتۋىنشا، پوليتسيا قىزمەتكەرلەرى ونى بولىمشەگە اپارىپ، «كەزەك-كەزەك زورلايمىز» دەپ قورقىتقان.
ءۇش پوليتسيا قىزمەتكەرى دە قىزمەتتەرىنەن بوساتىلدى. ىشكى ىستەر مينيسترلىگى تەكسەرۋدەن كەيىن ولاردىڭ ءۇش قىزمەتكەرى قۇقىق قورعاۋ ورگاندارىنان قىزمەتىنەن بوساتىلىپ، تاعى 14 قىزمەتكەر تارتىپتىك جازاعا تارتىلعانىن حابارلادى.
2020 جىلدىڭ شىلدەسىندە لەنين اۋداندىق سوتى ءمۋستافيندى التى جارىم جىلعا، ال تروپين مەن بەسسارابوۆتى ارقايسىسى 6 جىلدان باس بوستاندىعىنان ايىرعان بولاتىن.
سول جىلدىڭ جەلتوقسانىندا سۆەردلوۆ اۋداندىق سوتى ۇكىمدى بۇزىپ، ءىستى جاڭادان سوت تالقىلاۋىنا جىبەرگەن بولاتىن. بۇل شەشىم، E1.ru-دىڭ جازۋىنشا، جاڭادان اشىلعان ءمان-جايلارعا بايلانىستى وزگەرگەن: قىزداردىڭ ءبىرى جابىرلەنۋشىنىڭ جەزوكشەلىكپەن اينالىسقانىن مالىمدەپ، سۋتەنەرلىك جاسادى دەپ ايىپتالۋشى الەكساندر كولوسوۆتىڭ نۇسقاۋى بويىنشا پوليتسياعا جالا جاپتى، ال پوليتسيا ولاردىڭ بيزنەسىنە كەدەرگى كەلتىرمەك بولدى دەپ تۇسىندىرگەن.
جابىرلەنۋشىنىڭ ءوزى باسىلىمعا پوليتسياعا ارىزبەن بارۋعا قورقاتىنىن ايتتى. «مەن ءوزىمدى قورعاۋعا تىرىسقاننىڭ وزىندە بۇل مەنىڭ جاعدايىمدى ودان سايىن ناشارلاتادى، مەنى ۇرىپ-سوعادى نەمەسە ءبارى ولىممەن اياقتالادى دەپ قورىقتىم»، - دەدى ول. "مەن پوليتسياعا تاعى بارۋعا قورىقتىم، ادىلەتسىزدىك ءۇشىن كۇيىندىم، الايدا ۇيدە قامالىپ وتىرا بەرگىم كەلدى، مەن جالعىز بارا المايمىن، مەنى دوسىم مەن قۇربىم كوندىردى».
ۇكىم زاڭدى كۇشىنە ەنگەن جوق، وعان ءالى دە شاعىمدانۋعا بولادى.
"ادىرنا" ۇلتتىق پورتالى
