فۋتزالدان قازاقستان قۇراماسى 2024 جىلعى الەم چەمپيوناتىنىڭ ىرىكتەۋ كەزەڭىنىڭ ءۇشىنشى تۋرىندا ءازىربايجان قۇراماسىن 4:2 ەسەبىمەن جەڭدى، دەپ حابارلايدى "ادىرنا" ءتىلشىسى Ulysmedia.kz-كە سىلتەپ.
ۇلتتىق قۇرامانىڭ فۋتبولشىلارى رۋمىنيا قۇراماسىنىڭ ويىنشىلارىن جەڭگەنىنەن كەيىن فاۆوريت بولىپ سانالدى.
الايدا، ماتچ بارىسىندا ەسەپشى ازىربايجاندىق قۇراما اشتى.
ويىننىڭ ەكىنشى جارتىسىندا قازاقستاندىق سپورتشى ءبىرجان ورازوۆ ويىن ەسەبىن تەڭەستىردى. سودان كەيىن قازاقستان ويىنشىسى دۋگلاس دجۋنيور دوپتى قارسىلاستىڭ قاقپاسىنا قايتا سوقتى. قارسىلاس كوماندانىڭ الاڭداعى قاتەلىگىن پايدالانىپ، داۋرەن تۇرساعۇلوۆ پەن لەودان بوس قاقپاعا ەكى گول سوقتى. ويىن سوڭىندا ازىربايجاندىق قۇراما ءبىر گولدى ءبىزدىڭ قاقپاعا تەۋىپ ۇلگەردى. ناتيجەسىندە ويىن قورىتىندىسى 4:2, قازاقستاندىقتاردىڭ پايداسىنا ءتيدى.
ەندى ءۇش تۋردان كەيىن قازاقستان الداعى فۋتزالدان الەم چەمپيوناتىنا ىرىكتەۋدىڭ ەليتالىق راۋندىنىڭ "ا توبىندا" توعىز ۇپايمەن كوش باستاپ تۇر.
ءبىزدىڭ كوماندا كەلەسى ماتچتى 11 قازاندا ءوز ەلىمىزدە وتكىزەدى. ءازىربايجان كومانداسى تاعى دا قارسىلاس بولماق.
ەستەرىڭىزگە سالا كەتەيىك، بۇعان دەيىن قازاقستاندىق كوماندا فۋتزالدان 2024 جىلعى الەم چەمپيوناتىندا رۋمىنيانى جەڭگەن ەدى.
