جازۋشى، ارداگەر قالامگەر جانار ءابدىشوۆا الماتى قالاسى ماڭىنداعى الەۋمەتتىك جاعدايدان ءسوز ەتىپ، كوپشىلىككە قاراتا ساۋال تاستادى. زەينەتكەر ءوز سوزىندە الماتىنىڭ تۇبىندە وتىرىپ، جارىقسىز، سۋسىز، جىلۋسىز قالعانىن ايتادى. مۇنداي كەلەڭسىزدىكتەردىڭ جيىلەپ كەتكەندىگىنە شاعىم بىلدىرەدى. مۇنى "ادىرنا" ۇلتتىق پورتالى حابارلادى.
- قىستىڭ مىنا سۋىعىندا جارىق ءوشتى. ەندى سۋ دا، جىلۋ دا جوق. سەبەبى ءۇيدى جىلىتاتىن پەش تە، جەردىڭ استىنان شىعاتىن سۋ دا ەلەكتر قۋاتىنا بايلانىستى. سۋ قاتىپ قالسا، قۇرىدىق... زەينەتاقىنىڭ ازدىعى ءوز الدىنا، وسىنداي ماسەلەلەر دە قيناپ بارا جاتىر. نە ىستەۋ كەرەك؟الماتى، الاتاۋ اۋدانى. بورالداي ىقشام اۋدانى... - دەپ جازدى جانار ءابدىشوۆا.
Cوڭعى ۋاقىتتاردا قازاق ەلى ازاماتتارى تۇرمىس-تىرشىلىك ماسەلەلەرىن قوزعاپ، كوڭىلى تولمايتىن تۇستاردى اشىق ايتا باستادى. كۇنى كەشە الەۋمەتتىك جەلىدە ايتىسكەر اقىن رينات زايتوۆتىڭ جوعارعى بيلىك وكىلدەرىنە تاستاعان ۇندەۋى جارىق كورگەن ەدى. ۇندەۋدە حالىقتىڭ تاپقان ناپاقاسى شاي-پۇلدىڭ وزىنە جەتپەيپىندىگى ءسوز بولادى.
"ادىرنا" ۇلتتىق پورتالى
