Reseıde 22-jastaǵy Qazaqstan turǵynyn zorlaǵan úsh polıııa qyzmetkeri aqtaldy

3254
Adyrna.kz Telegram

Ekaterınbýrgtiń Lenın aýdandyq soty 22 jastaǵy Qazaqstan azamatyn qyzmettik kólikte zorlaý isi boıynsha burynǵy úsh polıııa qyzmetkerin aqtady, dep habarlaıdy "Adyrna" ulttyq portaly. 

Sot polıııa qyzmetkerleriniń áreketinen qylmystyń zattaı aıǵaqtaryn tappaǵan.

Tergeý málimetinshe, 2019 jyldyń 18 tamyzynda polıeıler Vadım Mýstafın, Andreı Bessarabov jáne Vıacheslav Tropın esimdi Qazaqstan azamatyn ustaǵan. Olar qyzdy ÝAZ polıeı kóligine otyrǵyzyp, zorlaǵan.  Jábirlenýshiniń aıtýynsha, polıııa qyzmetkerleri ony bólimshege aparyp, «kezek-kezek zorlaımyz» dep qorqytqan.

Úsh polıııa qyzmetkeri de qyzmetterinen bosatyldy. Ishki ister mınıstrligi tekserýden keıin olardyń úsh qyzmetkeri quqyq qorǵaý organdarynan qyzmetinen bosatylyp, taǵy 14 qyzmetker tártiptik jazaǵa tartylǵanyn habarlady.

2020 jyldyń shildesinde Lenın aýdandyq soty Mýstafındi alty jarym jylǵa, al Tropın men Bessarabovty árqaısysy 6 jyldan bas bostandyǵynan aıyrǵan bolatyn.

Sol jyldyń jeltoqsanynda Sverdlov aýdandyq soty úkimdi buzyp, isti jańadan sot talqylaýyna jibergen bolatyn. Bul sheshim, E1.ru-dyń jazýynsha, jańadan ashylǵan mán-jaılarǵa baılanysty ózgergen: qyzdardyń biri jábirlenýshiniń jezókshelikpen aınalysqanyn málimdep, sýtenerlik jasady dep aıyptalýshy Aleksandr Kolosovtyń nusqaýy boıynsha polıııaǵa jala japty, al polıııa olardyń bıznesine kedergi keltirmek boldy dep túsindirgen.

Jábirlenýshiniń ózi basylymǵa polıııaǵa aryzben barýǵa qorqatynyn aıtty. «Men ózimdi qorǵaýǵa tyrysqannyń ózinde bul meniń jaǵdaıymdy odan saıyn nasharlatady, meni uryp-soǵady nemese bári ólimmen aıaqtalady dep qoryqtym», - dedi ol. "Men polıııaǵa taǵy barýǵa qoryqtym, ádiletsizdik úshin kúıindim, alaıda úıde qamalyp otyra bergim keldi, Men jalǵyz bara almaımyn, meni dosym men qurbym kóndirdi».

Úkim zańdy kúshine engen joq, oǵan áli de shaǵymdanýǵa bolady.

"Adyrna" ulttyq portaly

Pikirler