Ekaterinburgtıŋ Lenin audandyq soty 22 jastaǧy Qazaqstan azamatyn qyzmettık kölıkte zorlau ısı boiynşa būrynǧy üş polisiia qyzmetkerın aqtady, dep habarlaidy "Adyrna" ūlttyq portaly.
Sot polisiia qyzmetkerlerınıŋ äreketınen qylmystyŋ zattai aiǧaqtaryn tappaǧan.
Tergeu mälımetınşe, 2019 jyldyŋ 18 tamyzynda poliseiler Vadim Mustafin, Andrei Bessarabov jäne Viacheslav Tropin esımdı Qazaqstan azamatyn ūstaǧan. Olar qyzdy UAZ polisei kölıgıne otyrǧyzyp, zorlaǧan. Jäbırlenuşınıŋ aituynşa, polisiia qyzmetkerlerı ony bölımşege aparyp, «kezek-kezek zorlaimyz» dep qorqytqan.
Üş polisiia qyzmetkerı de qyzmetterınen bosatyldy. Işkı ıster ministrlıgı tekseruden keiın olardyŋ üş qyzmetkerı qūqyq qorǧau organdarynan qyzmetınen bosatylyp, taǧy 14 qyzmetker tärtıptık jazaǧa tartylǧanyn habarlady.
2020 jyldyŋ şıldesınde Lenin audandyq soty Mustafindı alty jarym jylǧa, al Tropin men Bessarabovty ärqaisysy 6 jyldan bas bostandyǧynan aiyrǧan bolatyn.
Sol jyldyŋ jeltoqsanynda Sverdlov audandyq soty ükımdı būzyp, ıstı jaŋadan sot talqylauyna jıbergen bolatyn. Būl şeşım, E1.ru-dyŋ jazuynşa, jaŋadan aşylǧan män-jailarǧa bailanysty özgergen: qyzdardyŋ bırı jäbırlenuşınıŋ jezökşelıkpen ainalysqanyn mälımdep, sutenerlık jasady dep aiyptaluşy Aleksandr Kolosovtyŋ nūsqauy boiynşa polisiiaǧa jala japty, al polisiia olardyŋ biznesıne kedergı keltırmek boldy dep tüsındırgen.
Jäbırlenuşınıŋ özı basylymǧa polisiiaǧa aryzben baruǧa qorqatynyn aitty. «Men özımdı qorǧauǧa tyrysqannyŋ özınde būl menıŋ jaǧdaiymdy odan saiyn naşarlatady, menı ūryp-soǧady nemese bärı ölımmen aiaqtalady dep qoryqtym», - dedı ol. "Men polisiiaǧa taǧy baruǧa qoryqtym, ädıletsızdık üşın küiındım, alaida üide qamalyp otyra bergım keldı, Men jalǧyz bara almaimyn, menı dosym men qūrbym köndırdı».
Ükım zaŋdy küşıne engen joq, oǧan älı de şaǧymdanuǧa bolady.
"Adyrna" ūlttyq portaly
Ūqsas jaŋalyqtar
