شىمكەنت اكىمى مۇرات ايتەنوۆ «مەرەيلى وتباسى» كونكۋرسىنىڭ جەڭىمپازىنا پرەزيدەنت سىيلىعىن سالتاناتتى تۇردە تابىستادى. وتباسى كۇنى قارساڭىندا جوبا لاۋرەاتتارىنا مەملەكەت باسشىسىنىڭ اتىنان العاس حات پەن 5 ملن. تەڭگە قارجىلاي سىياقى بەرىلدى.
ەستەرىڭىزگە سالا كەتەيىك، ءۇشىنشى مەگاپوليس بويىنشا اليەۆتار وتباسى جەڭىمپاز اتانعان ەدى. بۇگىندە قازاقتاي دارحان ەلدىڭ كەڭدىگىنە كۇا بولعان وتباسى پەرزەنتتەرىن تۋىپ وسكەن جەرىنە ايانباي قىزمەت ەتۋگە تاربيەلەپ كەلەدى.
بۇل شىمكەنت قالاسى بويىنشا «مەرەيلى وتباسى» كونكۋرسىنىڭ جەڭىمپازى اتانعان اليەۆتار جانۇياسى. بۇگىن ءۇشىنشى مەگاپوليس اكىمى مۇرات ايتەنوۆ جوبا لاۋرەاتتارىنا پرەزيدەنت سىيلىعىن تابىستادى. حالىققا ۇلگى بولعان شاڭىراققا ارنايى العىس حات پەن 5 ملن. تەڭگە سىياقى ۇسىنىلدى.
باچاك اليەۆ ىشكى ىستەر سالاسىنىڭ قۇرمەتتى ارداگەرى، زەينەتكەر. بۇگىندە ءۇش بالاسىنان ون نەمەرە، 14 شوبەرە تاربيەلەپ وتىر. ۇلدارى جەكە كاسىپپەن اينالىسادى. نەمەرەلەرى ۇلتتىق اسپاپتا ويناۋدى شەبەر مەڭگەرگەن. بۇگىندە 3 ۇرپاقتان تاراعان 5 جانۇيا ءبىر شاڭىراقتىڭ استىندا تاتۋ-ءتاتتى ءومىر سۇرۋدە. قازاقتاي دارحان ەلدىڭ كەڭدىگىنە كۇا بولعان وتاعاسى پەرزەنتتەرىن تۋىپ وسكەن جەرىنە ايانباي قىزمەت ەتۋگە تاربيەلەپ كەلەدى.
ەسكە سالساق، بايقاۋدىڭ شارتى بويىنشا شىمكەنت قالاسىنىڭ تۇرعىندارى اراسىنان بارلىعى 110 ءوتىنىش قابىلدانعان بولاتىن. بۇل 2019 جىلمەن سالىستىرعاندا 4 ەسە كوپ. سونىمەن قاتار، بيىلعى جىلى بايقاۋعا كوپ بالالى جانە جاس وتباسىلار دا بەلسەنە قاتىستى.
ايتا كەتەيىك، بيىل كونكۋرستى وتكىزۋدىڭ جاڭا تاسىلدەرى ەنگىزىلدى. سوعان سايكەس ەندى جىل سايىن رەسپۋبليكا بويىنشا 17 ۇزدىك وتباسى انىقتالاتىن بولادى.
ءمولدىر يبادۋللاەۆا
