Shymkent ákimi Murat Áıtenov «Mereıli otbasy» konkýrsynyń jeńimpazyna Prezıdent syılyǵyn saltanatty túrde tabystady. Otbasy kúni qarsańynda joba laýreattaryna Memleket basshysynyń atynan alǵas hat pen 5 mln. teńge qarjylaı syıaqy berildi.
Esterińizge sala keteıik, úshinshi megapolıs boıynsha Álıevtar otbasy jeńimpaz atanǵan edi. Búginde qazaqtaı darhan eldiń keńdigine kúá bolǵan otbasy perzentterin týyp ósken jerine aıanbaı qyzmet etýge tárbıelep keledi.
Bul Shymkent qalasy boıynsha «Mereıli otbasy» konkýrsynyń jeńimpazy atanǵan Álıevtar januıasy. Búgin úshinshi megapolıs ákimi Murat Áıtenov joba laýreattaryna Prezıdent syılyǵyn tabystady. Halyqqa úlgi bolǵan shańyraqqa arnaıy alǵys hat pen 5 mln. teńge syıaqy usynyldy.
Bachak Álıev ishki ister salasynyń qurmetti ardageri, zeınetker. Búginde úsh balasynan on nemere, 14 shóbere tárbıelep otyr. Uldary jeke kásippen aınalysady. Nemereleri ulttyq aspapta oınaýdy sheber meńgergen. Búginde 3 urpaqtan taraǵan 5 januıa bir shańyraqtyń astynda tatý-tátti ómir súrýde. Qazaqtaı darhan eldiń keńdigine kúá bolǵan otaǵasy perzentterin týyp ósken jerine aıanbaı qyzmet etýge tárbıelep keledi.
Eske salsaq, baıqaýdyń sharty boıynsha Shymkent qalasynyń turǵyndary arasynan barlyǵy 110 ótinish qabyldanǵan bolatyn. Bul 2019 jylmen salystyrǵanda 4 ese kóp. Sonymen qatar, bıylǵy jyly baıqaýǵa kóp balaly jáne jas otbasylar da belsene qatysty.
Aıta keteıik, bıyl konkýrsty ótkizýdiń jańa tásilderi engizildi. Soǵan sáıkes endi jyl saıyn respýblıka boıynsha 17 úzdik otbasy anyqtalatyn bolady.
Móldir Ibadýllaeva
