«جاستار رەسۋرستىق ورتالىعىنىڭ» اۋداندىق بولىمشەلەرى اشىلدى

849
Adyrna.kz Telegram

قر تاۋەلسىزدىگىنىڭ 30 جىلدىعىنا وراي شىمكەنت قالاسىنىڭ 4 اۋدانىندا «جاستار رەسۋرستىق ورتالىعىنىڭ» بولىمشەلەرى اشىلدى. ورتالىقتىڭ اشىلۋىنا قالا اكىمى مۇرات ايتەنوۆ پەن «قازاقستان جاستار كونگرەسى» زاڭدى تۇلعالار بىرلەستىگىنىڭ اتقارۋشى ديرەكتورى توقتار بولىسوۆ قاتىستى. شارا بارىسىندا قالا اكىمى جاستار ورتالىعىنىڭ جۇمىسىمەن تانىسىپ، ىنتىماقتاستىق مەموراندۋمىنا قول قويدى.

بۇگىن شىمكەنتتە ەل تاۋەلسىزىگىنىڭ 30 جىلدىق مەرەيتويىنا وراي «جاستار رەسۋرستىق ورتالىعىنىڭ» بولىمشەلەرىنىڭ اشىلۋ سالتاناتى ءوتتى. ورتالىق باسشىسى ەرلان ايتباەۆ، شاراعا ارنايى قاتىسقان قالا اكىمىن قاراتاۋ اۋداندىق جاستار ورتالىعىنىڭ جۇمىستارىمەن تانىستىردى. «اۋدان تۇرعىندارىنا قالاداعى جالعىز ورتالىققا كەلۋ قيىندىق تۋعازعان سوڭ، بولىمشەلەر اشۋ تۋرالى شەشىم قابىلدادىق» دەيدى قالا اكىمى.

مۇرات ايتەنوۆ، شىمكەنت قالاسىنىڭ اكىمى: «ءار اۋدانعا ءبىر-ءبىر جاستار ورتالىعىن اشىپ جاتىرمىز. وندا بىرىنشىدەن جاستارىمىز كونسۋلتانتتىق ورىنعا كەلە الادى. جاستاردىڭ جۇمىسقا ورنالاسۋى، قالامىزداعى بيزنەس سالاسىنداعى جوسپارلارعا، وتباسى قۇرىپ ونى دامىتۋعا ارەكەت جاساۋعا ۇلكەن ورتالىقتار بار».

ورتالىقتا جۇمىس ىستەيتىن كىتاپحانا كۇنىنە 10-15 ادامدى قابىلداۋعا مۇمكىندىگى بار. ال كوۆوركينگ ءبولىمى ءبىر ۋاقىتتا 12 جاس ازاماتتاردى جۇمىس ورنىمەن قامتي الادى. پسيحولوگ-مەدياتورلار جاستارمەن جۇمىس ىستەۋ ماقساتىندا ارنايى جيناقتار دايىنداعان.

سونداي-اق، اشىلۋ سالتاناتىندا مۇرات ايتەنوۆ «قازاقستان جاستار كونگرەسى» زاڭدى تۇلعالار بىرلەستىگىنىڭ اتقارۋشى ديرەكتورى توقتار بولىسوۆپەن ىنتىماقتاستىق مەموراندۋمىنا قول قويدى. كونگرەس ديرەكتورىنىڭ ايتۋىنشا، «اۋدان كولەمىندەگى جاستار ورتالىعى العاش بولىپ شىمكەنت قالاسىندا اشىلىپ وتىر».

توحتار بولىسوۆ، «قازاقستان جاستار كونگرەسى» زاڭدى تۇلعالار بىرلەستىگىنىڭ اتقارۋشى ديرەكتورى: «وسىنداي ورتالىق ەشبىر وڭىرلەردە جوق، اۋداندىق دەڭگەيدە. كەيبىر وڭىرلەردە بار، كەيبىرىندە ناشارلاۋ. بىراق ءدال وسىنداي اۋداندىق «جاستار رەسۋرستىق ورتالىعىن» ءبىرىنشى رەت كورىپ تۇرمىن. 17 ءوڭىردى بىرنەشە رەت ارالاعانمىن، تاجىريبەمنىڭ ارقاسىندا وسىنى ايتا الامىن».

پايدالانۋعا بەرىلگەن 2 قاباتتى ورتالىق بىردەن 50-100 ادامعا نەگىزگى 5 باعىت بويىنشا قىزمەت كورسەتە الادى. اتاپ ايتساق، «جاستارعا قىزمەت كورسەتۋ»، «تالانتتى جاستاردى قولداۋ باعىتى، «كوۆوركينگ ورتالىعى»، «شاعىن كىتاپحانا»، «پسيحولوگيالىق كەڭەس بەرۋ». سونىمەن قاتار، ورتالىق جانىنان جاستاردىڭ بوس ۋاقىتىن ءتيىمدى پايدالانۋعا ارنالعان 7 ۇيىرمە-كلۋبتارى قۇرىلعان.

گۇلدانا داۋرەن

پىكىرلەر