پاندەميادا جوعارى سۇرانىسقا يە ءونىم شىمكەنتتە وندىرىلەدى

987
Adyrna.kz Telegram

قازاقستاندىق ءوندىرىس ورىندارى ساپاسى جاعىنان شەتەلدىكتەردەن كەم تۇسپەيتىن ونىمدەردى شىعارا الاتىندىعىنا ەلىمىزدىڭ مەديتسينا قىزمەتكەرلەرى كوز جەتكىزدى. تۇتىنۋشىعا ساپالى ءونىم ۇسىنا الاتىن سونداي سەرىكتەستىكتەردىڭ ءبىرى «ەكوفارم ينتەرنەيشنل» جشس-ءى. قان الۋعا ارنالعان ۆاكۋمدى پروبيركالار شىمكەنتتىڭ قاي جەرىندە شىعارىلاتىنى جايلى اقپارات الداعى سيۋجەتتە…

ۆاكۋمدىق پروبيركالاردىڭ 60 ءتۇرى شىمكەنتتىك «ەكوفارم ينتەرنەيشنل» كاسىپورنىندا شىعارىلادى. سونىمەن قاتار، ءارتۇرلى سىناقتاردى الۋ ءۇشىن پروبيركالارعا قاجەتتى رەاگەنتتەر قوسىلعان. پاندەميا كەزىندە قاننىڭ ۇيۋ دەڭگەيىن انىقتاۋ ءۇشىن پروبيركالار ەرەكشە سۇرانىسقا يە بولدى. شەكارالاردىڭ جابىلۋىنا بايلانىستى كاسىپورىن از قيىندىقتارعا تاپ بولسا دا، بۇل جاعداي وندىرۋشىلەردى كاسىپورىننىڭ قاجەتتىلىكتەرى ءۇشىن ءونىم شىعارۋعا يتەرمەلەدى.

كاسىپورىندا 200 قىزمەتكەر جۇمىس ىستەيدى. 4 ملرد. ينۆەستيتسيا قۇيىلدى. جابدىقتار وڭتۇستىك كورەيا، شۆەيتساريانىكى. بىزدەگى زاماناۋي قوندىرعىلاردا بىلىكتى ماماندار جۇمىس جاسايدى»، دەيدى «ەكوفارم ينتەرنەيشنل» جشس-ءنىڭ باسقارۋشى ديرەكتورى اسحات احمەتوۆ.

بۇكىل ءوندىرىس بىرنەشە تسەحتارعا بولىنگەن. قۇيۋ تسەحىندا ءونىم شىعارۋ ءوندىرىسى تولىق اۆتوماتتاندىرىلعان. جەتى اگرەگاتتىڭ جۇمىسىن ءبىر عانا وپەراتور باقىلايدى.

تازالىقتىڭ جوعارى ساناتى جاعدايىندا ەكى جاقتى ينەلەر شىعارىلادى جانە ۆاكۋمدىق تۇتىكتەر جينالادى. بۇل رەتتە ءاربىر ۇلگى تەكسەرۋدىڭ بىرنەشە ساتىسىنان وتەدى. مۇنىڭ ءبارى اقاۋلى ونىمدەردىڭ ەلدىڭ مەديتسينالىق مەكەمەلەرىنە ءتۇسۋ مۇمكىندىگىن جوققا شىعارادى.

كاسىپورىننىڭ وندىرىستىك قۋاتى – جىلىنا 140 ملن. دانا مەديتسينالىق بۇيىمدار، ونىڭ ىشىندە جىلىنا 60 ملن. دانا ءبىر رەتتىك ستەريلدى ۆاكۋمدىق پروبيركالار جانە جىلىنا 40 ملن. دانادان استام مەديتسينالىق ءبىر رەتتىك ستەريلدى ەكى جاقتى ينەلەر جانە جىلىنا 40 ملن. دانا ينە ۇستاعىشتار. جوسپاردا رەسەي، ۋكراينا مەن وزبەكستانعا ەكسپورتقا شىعۋ كوزدەلگەن.

شىنار ورازوۆا

پىكىرلەر