Qazaqstandyq óndiris oryndary sapasy jaǵynan sheteldikterden kem túspeıtin ónimderdi shyǵara alatyndyǵyna elimizdiń medıına qyzmetkerleri kóz jetkizdi. Tutynýshyǵa sapaly ónim usyna alatyn sondaı seriktestikterdiń biri «Ekofarm Interneıshnl» JShS-i. Qan alýǵa arnalǵan vakýýmdy probırkalar Shymkenttiń qaı jerinde shyǵarylatyny jaıly aqparat aldaǵy sıýjette…
Vakýýmdyq probırkalardyń 60 túri shymkenttik «Ekofarm Interneıshnl» kásipornynda shyǵarylady. Sonymen qatar, ártúrli synaqtardy alý úshin probırkalarǵa qajetti reagentter qosylǵan. Pandemııa kezinde qannyń uıý deńgeıin anyqtaý úshin probırkalar erekshe suranysqa ıe boldy. Shekaralardyń jabylýyna baılanysty kásiporyn az qıyndyqtarǵa tap bolsa da, bul jaǵdaı óndirýshilerdi kásiporynnyń qajettilikteri úshin ónim shyǵarýǵa ıtermeledi.
Kásiporynda 200 qyzmetker jumys isteıdi. 4 mlrd. ınvestıııa quıyldy. Jabdyqtar Ońtústik Koreıa, Shveıarııanyki. Bizdegi zamanaýı qondyrǵylarda bilikti mamandar jumys jasaıdy», deıdi «Ekofarm Interneıshnl» JShS-niń basqarýshy dırektory Ashat Ahmetov.
Búkil óndiris birneshe ehtarǵa bólingen. Quıý ehynda ónim shyǵarý óndirisi tolyq avtomattandyrylǵan. Jeti agregattyń jumysyn bir ǵana operator baqylaıdy.
Tazalyqtyń joǵary sanaty jaǵdaıynda eki jaqty ıneler shyǵarylady jáne vakýýmdyq tútikter jınalady. Bul rette árbir úlgi tekserýdiń birneshe satysynan ótedi. Munyń bári aqaýly ónimderdiń eldiń medıınalyq mekemelerine túsý múmkindigin joqqa shyǵarady.
Kásiporynnyń óndiristik qýaty – jylyna 140 mln. dana medıınalyq buıymdar, onyń ishinde jylyna 60 mln. dana bir rettik sterıldi vakýýmdyq probırkalar jáne jylyna 40 mln. danadan astam medıınalyq bir rettik sterıldi eki jaqty ıneler jáne jylyna 40 mln. dana ıne ustaǵyshtar. Josparda Reseı, Ýkraına men Ózbekstanǵa eksportqa shyǵý kózdelgen.
Shynar Orazova
