شىمكەنتتە حالىقتىڭ ءال-اۋقاتىن جاقسارتۋ ماقساتىندا تۇرعىنداردى جۇمىسپەن قامتۋ شارالارىن جۇيەلى جۇرگىزۋ باستى نازارعا الىنعان.
وسىعان وراي، 2017-2021 جىلدارعا ارنالعان «ەڭبەك» مەملەكەتتىك باعدارلاماسى شەڭبەرىندە بيىل 21 942 ادامدى جۇمىسپەن قامتۋ شارالارىنا قاتىستىرۋ جوسپارلانىپ وتىر.
ال جىل باسىنان بەرى 17 129 ادام جۇمىسقا ورنالاسىپ ۇلگەرىپتى. سونداي-اق اعىمداعى جىلدىڭ 8 ايىندا باعدارلامانىڭ ءبىرىنشى باعىتى اياسىندا 2500 ادام قىسقا مەرزىمدى كۋرستارعا، 2101 ادام «باستاۋ بيزنەس» جوباسى بويىنشا كاسىپكەرلىك نەگىزدەرگە وقىتۋعا جىبەرىلسە، 52 ادامعا شاعىن نەسيە، 584 ادامعا مەملەكەتتىك گرانت بەرىلىپتى.
سونىمەن بىرگە، 5827 ادام بوس جۇمىس ورىندارىنا، 299 ازامات الەۋمەتتىك جۇمىس ورىندارىنا، 2176 ادام جاستار پراكتيكاسىنا، 2837 تۇرعىن اقىلى قوعامدىق جۇمىستارعا جانە 86 جاس العاشقى جۇمىس ورنىنا ورنالاستىرىلعان.
ءمولدىر يبادۋللاەۆا
