Shymkentte halyqtyń ál-aýqatyn jaqsartý maqsatynda turǵyndardy jumyspen qamtý sharalaryn júıeli júrgizý basty nazarǵa alynǵan.
Osyǵan oraı, 2017-2021 jyldarǵa arnalǵan «Eńbek» memlekettik baǵdarlamasy sheńberinde bıyl 21 942 adamdy jumyspen qamtý sharalaryna qatystyrý josparlanyp otyr.
Al jyl basynan beri 17 129 adam jumysqa ornalasyp úlgeripti. Sondaı-aq aǵymdaǵy jyldyń 8 aıynda baǵdarlamanyń birinshi baǵyty aıasynda 2500 adam qysqa merzimdi kýrstarǵa, 2101 adam «Bastaý Bıznes» jobasy boıynsha kásipkerlik negizderge oqytýǵa jiberilse, 52 adamǵa shaǵyn nesıe, 584 adamǵa memlekettik grant berilipti.
Sonymen birge, 5827 adam bos jumys oryndaryna, 299 azamat áleýmettik jumys oryndaryna, 2176 adam jastar praktıkasyna, 2837 turǵyn aqyly qoǵamdyq jumystarǵa jáne 86 jas alǵashqy jumys ornyna ornalastyrylǵan.
Móldir Ibadýllaeva
