بۇگىن شىمكەنت قالاسىنداعى كارديولوگيا ورتالىعىندا كومپيۋتەرلىك توموگرافيا كابينەتى اشىلدى. اتاۋلى شاراعا قالالىق دەنساۋلىق ساقتاۋ باسقارماسىنىڭ باسشىسى باقىتجان پوزيلوۆ قاتىستى. قالانىڭ باس دارىگەرى جۇرەك اۋرۋلارىنان بولاتىن ءولىم-ءجىتىم سانىن ازايتىپ، ناۋقاستاردى دەر كەزىندە دياگنوستيكالاۋدا قۇرىلعىنىڭ ماڭىزدىلىعىن اتاپ ءوتتى.
شىمكەنتتەگى كارديولوگيا ورتالىعىندا كومپيۋتەرلىك توموگرافيا كابينەتى اشىلدى. قالانىڭ باس دارىگەرىنىڭ سوزىنشە، جاڭا قوندىرعىنىڭ مۇمكىندىگى جوعارى بولعاندىقتان، كوپتەگەن اۋرۋدىڭ الدىن الىپ، جۇرەك اۋرۋىنان بولاتىن ءولىم-ءجىتىمنىڭ ازايۋىنا مۇمكىندىك بەرەدى.
بۇرىندارى وسى اپپارات ءۇشىن باسقا قالاعا قاتىناۋعا ءماجبۇر بولعان تۇرعىندار ەندى 3-ءشى مەگاپوليستە ەم قابىلداي الادى.
باقىتجان پوزيلوۆ، شىمكەنت قالالىق دەنساۋلىق ساقتاۋ باسقارماسىنىڭ باسشىسى: «بۇرىندارى ناۋقاستاردى كومپيۋتەرلىك توموگرافياعا بولا، باسقا مەديتسينالىق ۇيىمدارعا جولدايتىن ەدىك. ول بەلگىلى ءبىر ىڭعايسىزدىقتى تۋعىزاتىن ەدى. ناۋقاستىڭ ءومىرى ءۇشىن وتە قاۋىپتى ەدى. ەندى بۇل جەردە بارلىق ەم دياگنوستيكا كومپلەكستى 1 جەردەن وتەتىن بولدى. تەك قانا دياگنوستيكا ءۇشىن عانا ەمەس، وپەراتسيادان كەيىنگى ناۋقاستار، مىسالى، جۇرەككە وپەراتسيا جاساعاننان كەيىن ناۋقاستاردا ينسۋلت بولۋى مۇمكىن. بۇرىندارى نەۆروپوتولوگتاردى شاقىراتىن ەدىك، ەندى اۋرۋحانادا بۇكىل كومەك جاسالىناتىن بولدى».
جاڭا قوندىرعى جاپونيادان كەلگەن «Canon» برەندىنىڭ ءونىمى. باعاسى 300 ميلليونعا جۋىق تۇرادى. بۇل اپپارات تەك جۇرەك قان تامىرلارىنىڭ اۋرۋىن عانا ەمەس، سونىمەن قاتار مي، وكپەگە قاتىستى اۋرۋلاردى انىقتاپ، ونىڭ الدىن الا الادى.
گۇلميرا اليپوۆا، “شىمكەنت جۇرەك ورتالىعى” اق-نىڭ مەديتسينا جونىندەگى ورىنباسارى: «ءبىزدىڭ ورتالىعىمىزدا ەگەر جىلدا 5 مىڭعا جۋىق ناۋقاس وتەتىن بولسا، ول ناۋقاستار جەدەل تۇردە تۇسەتىن ناۋقاستار. ينفاركت، ينفاركت الدى جاعدايىندا. ال بۇل كومپيۋتەرلىك توموگرافيا تەك قانا ستاتسيونارعا تۇسكەن ناۋقاستار عانا ەمەس، ءبىز قالاداعى ەمحانالارعا تاعى دا سۋيۋپودريادپەن كومەكتەسەمىز دەگەن ويدامىز. ويتكەنى، امبۋلوتورلىق دەڭگەيدە جۇرەكتىڭ قارانارلىق ارتەرياسىن تەكسەرۋ مسكت پروتسەدۋراسى بارلىق حالىقارالىق رەكومەندەتسيالاردا بار. ول بۇرىن ىستەلىنبەيتىن ەدى. تەك قانا دياگنوستيكالىق ورتالىقتا ىستەلىنەتىن ەدى. بۇگىنگى تاڭدا ءوزىمىز دە ىستەيمىز».
ايتا كەتەيىك، وتكەن جىلى وڭتۇستىك ءوڭىرى قان-تامىر اۋرۋلارىنىڭ كورسەتكىشى 100 مىڭ ادامعا شاققاندا 2734-ءتى، ال ءولىم كورسەتكىشى 144-ءتى قۇراعان. شىمكەنت قالاسى مەن تۇركىستان وبلىسى ەلىمىزدە قان-تامىر جۇيەسى اۋرۋى بويىنشا 4 ورىندا تۇر. بۇكىلدۇنيەجۇزىلىك دەنساۋلىق ساقتاۋ ۇيىمى 100 مىڭ ادامعا 1 كومپيۋتەرلىك توموگرافيا قاجەت ەكەندىگىن ايتادى.
ءاليحان فايزحانوۆ
