Búgin Shymkent qalasyndaǵy kardıologııa ortalyǵynda kompıýterlik tomografııa kabıneti ashyldy. Ataýly sharaǵa qalalyq Densaýlyq saqtaý basqarmasynyń basshysy Baqytjan Pozılov qatysty. Qalanyń bas dárigeri júrek aýrýlarynan bolatyn ólim-jitim sanyn azaıtyp, naýqastardy der kezinde dıagnostıkalaýda qurylǵynyń mańyzdylyǵyn atap ótti.
Shymkenttegi kardıologııa ortalyǵynda kompıýterlik tomografııa kabıneti ashyldy. Qalanyń bas dárigeriniń sózinshe, jańa qondyrǵynyń múmkindigi joǵary bolǵandyqtan, kóptegen aýrýdyń aldyn alyp, júrek aýrýynan bolatyn ólim-jitimniń azaıýyna múmkindik beredi.
Buryndary osy apparat úshin basqa qalaǵa qatynaýǵa májbúr bolǵan turǵyndar endi 3-shi megapolıste em qabyldaı alady.
Baqytjan Pozılov, Shymkent qalalyq Densaýlyq saqtaý basqarmasynyń basshysy: «Buryndary naýqastardy kompıýterlik tomografııaǵa bola, basqa medıınalyq uıymdarǵa joldaıtyn edik. Ol belgili bir yńǵaısyzdyqty týǵyzatyn edi. Naýqastyń ómiri úshin óte qaýipti edi. Endi bul jerde barlyq em dıagnostıka kompleksti 1 jerden ótetin boldy. Tek qana dıagnostıka úshin ǵana emes, operaııadan keıingi naýqastar, mysaly, júrekke operaııa jasaǵannan keıin naýqastarda ınsýlt bolýy múmkin. Buryndary nevropotologtardy shaqyratyn edik, endi aýrýhanada búkil kómek jasalynatyn boldy».
Jańa qondyrǵy Japonııadan kelgen «Canon» brendiniń ónimi. Baǵasy 300 mıllıonǵa jýyq turady. Bul apparat tek júrek qan tamyrlarynyń aýrýyn ǵana emes, sonymen qatar mı, ókpege qatysty aýrýlardy anyqtap, onyń aldyn ala alady.
Gúlmıra Alıpova, “Shymkent júrek ortalyǵy” AQ-nyń medıına jónindegi orynbasary: «Bizdiń ortalyǵymyzda eger jylda 5 myńǵa jýyq naýqas ótetin bolsa, ol naýqastar jedel túrde túsetin naýqastar. Infarkt, ınfarkt aldy jaǵdaıynda. Al bul kompıýterlik tomografııa tek qana staıonarǵa túsken naýqastar ǵana emes, biz qaladaǵy emhanalarǵa taǵy da sýıýpodrıadpen kómektesemiz degen oıdamyz. Óıtkeni, ambýlotorlyq deńgeıde júrektiń qaranarlyq arterııasyn tekserý MSKT proedýrasy barlyq halyqaralyq rekomendeııalarda bar. Ol buryn istelinbeıtin edi. Tek qana dıagnostıkalyq ortalyqta istelinetin edi. Búgingi tańda ózimiz de isteımiz».
Aıta keteıik, ótken jyly ońtústik óńiri qan-tamyr aýrýlarynyń kórsetkishi 100 myń adamǵa shaqqanda 2734-ti, al ólim kórsetkishi 144-ti quraǵan. Shymkent qalasy men Túrkistan oblysy elimizde qan-tamyr júıesi aýrýy boıynsha 4 orynda tur. Búkildúnıejúzilik densaýlyq saqtaý uıymy 100 myń adamǵa 1 kompıýterlik tomografııa qajet ekendigin aıtady.
Álıhan Faızhanov
